Қайсар Әлім әлемі
14.09.2018
450
0

Алматыдағы Ұлттық кітапханада журналист, жазушы, Қазақстанның Еңбек сіңірген қайраткері, Президент сыйлығының лауреаты, Қазақстан Журналистика ака­демиясының академигі Қайсар Әлімнің 6 кітабының және ол туралы «Қалам киесі» (режиссері Қ.Омар) деп аталатын деректі фильмнің тұсаукесері өтті. Шығарма­шылық­тағы 55 жылдығына арналған басқосуда «Міржақыптың оралуы. Возвращение Миржакипа» («Мектеп» баспасы) хикаят-сапарнамасының қос тілде жарық көруі – Алаш қозғалысының 100 жылдығына рухани сый болды.

Қалған 5 кітап «Безінген ләй­лек» («Ана тілі» баспасы) таңдама­лы көркем шығармалары енген; «Өз өрмегім» атты күнделіктерінің қос томдығы («Ана тілі» баспасы); «Қызбелдің Қайсары» («Ана тілі» бас­пасы) және «Қайсар Әлім» («Ғы­лым ордасы») атты био­биб­лиографияға өмірі мен шы­ғар­машылығы туралы мақалалар мен эсселер, еңбектеріне қатысты әде­би рецензиялар, мерейтойлық арнау өлеңдер, сондай-ақ ғұмыр­на­малық хаттар енгізілген. Ал, «Қалам киесі» деректі фильмінде Қ.Әлімнің тұтас бейнесі, Тәуел­сіздік жолындағы қызметі, Алаш арыстарының арман-мүддесіне адалдығы, ұлт-азаттық қозға­лыс­тың ақиқатына терең бойлауы, т.б жан-жақты ашылған.
Әбдісағит Тәтіғұлов, Сәбит Бай­зақов сынды академиктер мен Қа­зақстан Жазушылар одағы Бас­қарма тө­рағасының орын­басары Бауыржан Жақып жинақ­тардың тұсауын кесті. Кешке С.Ақтаев, Ә.Қайыр­бе­ков, Ш.Са­риев, М.Жа­қып, т.б та­нымал тұлғалар қатысты.

ПІКІР ҚОСУ

Ваш e-mail не будет опубликован.

Пікір