АҚШ-та әр жылдың 25 қыркүйегінде Ұлттық комикс күні атап өтіледі. Осы жылы АҚШ нарығында қазақтың «Ермек батыр» атты комиксі пайда болды.

Авторлары – «Tengri Comics» баспасының» жас иелері – Мә­дибек Мұсабек (сәулетші), Бекзат Мырзахмет (бағдар­лама­шы) және еліміздің «100 жаңа есімі» тізіміне енген Айдие Айдарбек (режиссер). АҚШ-та әжептәуір рейтинг жинап үлгерген «Ермек батыр» – олардың алғашқы туындылары. Сондай-ақ үш жас АҚШ-та қазіргі заманғы батыр кейпін қазақтың Ертөстігі арқылы жеткізумен айналысуда. Ал өз елімізде алдағы уақытта сюжеті көш­пелі қазақ халқының тарихи оқиғаларына негізделген «Ермек ба­тыр» атты кітап жарық көрмек.