Мемлекет басшысы Н.Ә.Назарбаевтың бастамасымен жүзеге асып жатқан «Болашаққа бағдар: рухани жаңғыру» бағдарламасы аясында Ұлттық комиссия мен Кембридж университеті баспасы ынтымақтастық жөніндегі меморандумға қол қойды. Кембридж университетінде жасалған келісім-шарт бойынша жергілікті баспа «Қазіргі заманғы қазақ әдебиетінің» ағылшын тіліндегі антологиясын аудару әрі тарату жұмысын қолға алды.

Аталмыш антологияны тәржі­малау «Жаһандық әлемдегі қазіргі қазақстандық мәдениет» жобасы не­гізінде жүзеге асуда. Бұл жоба – «Болашаққа бағдар: рухани жаң­ғыру» бағдарламасының бір бөлігі саналады. «Жаһандық әлемдегі қа­­­зіргі қазақстандық мәдениет» жо­басының мақсат-мұраты – Тәуел­сіздіктен бергі әдебиет, му­зыка, бейнелеу өнері, би, кино мен театр саласындағы жетіс­тік­тер­ді әлем­ге таныту. «Жобамыз анто­ло­гия­ның тек Ұлыбританияда ғана емес, сондай-ақ, ағылшын­тілді ортаға таралуына мүмкіндік бере­ді деп ойлаймыз. Мұнымен шек­тел­мей, болашақта испан, фран­цуз, орыс, қытай және араб тіл­де­ріне аударылған антология шығару турасындағы келіссөздер жүргізіліп жатыр», – деді ме­мо­ран­думға Қазақстан тарапынан қол қойған «Болашаққа бағдар: рухани жаңғыру» бағдарламасын іске асыру жөніндегі Ұлттық комиссияның хатшысы Аида Балаева. Ал, «Сambridge University Press» ұйы­мының Реформа және білім жө­ніндегі директоры Дж.Манн Қа­зақстанмен мәдени жоба бағы­тындағы ынтымақтас­тыққа дән риза екенін айта келе: «Қазақ­стан­дық авторлардың прозасы мен поэзиясын ағылшын­тілді әлем оқыр­мандарына таныс­тыру үшін бар­лық күшімізді сала­мыз», – де­ді. Сонымен қатар, қазір «Бола­шақ­қа бағдар: рухани жаңғыру» бағ­дарламасы аясында­ғы «Жаһан­дық әлемдегі қазіргі қазақстандық мәдениет» жобасы бойынша «Қа­зақстанның қазіргі поэзиясының антологиясы» мен «Қазақстанның қазіргі прозасы­ның антологиясы» әзірленуде. 30 қаламгердің басын қосқан әр антология 500 беттен тұрады. Олардың құрылымы мен мазмұны Қазақстан Жазушылар одағының арнайы отырысында бекітілген-ді.