Канн фестивалінде ең үздік әйел ролін тұңғыш рет қазақ қызы жеңіп алды. Ресейлік режиссер Сергей Дворцевойдың «Айка» фильмінде басты рольді сомдаған қазақстандық Самал Еслямова 71-Канн кинофестивалінде үздік актриса атанды.
«Айка» – әлеуметтік драмасы Қырғызстаннан келген қыз жайында түсірілген фильм. Айка Мәскеуде босанып, баласын перзентханаға тастауға мәжбүр болады. Кинокартинада сол қыздың аналық сезімі мен қайғы-мұңы суреттелген. Фильмді Сергей Дворцевойдың «Кинодвор» студиясымен қатар Германия, Польша, Қытай, Қазақстанның кинокомпаниялары бірлесіп түсірген. Марапаттау рәсімінде сахна төріне шығып, алғысөзді қазақ тілінде бастаған актриса режиссерге: «Сергей, сізге көп рахмет. Бұл үлкен мәртебе», – деп алғысын білдірді.
Самал Еслямова 1984 жылы Солтүстік Қазақстан облысында дүниеге келген. Бұдан бөлек «Тюльпан» фильміне түскен. Мәскеу театр институтын актерлік мамандық бойынша бітірген.
"Қазақ әдебиеті" — Қазақстан Республикасының әдебиет, мәдениет және өнер газеті. Әр апта сайын, жұма күні шығады.
Газет 1934 жылдың 10 қаңтарынан бастап шыға бастады. «Қазақ әдебиеті» газеті — Қазақстан жазушылар одағының органы ретінде тұңғыш саны 1934 жылдың қаңтарында жарық көрген.
«Қазақ әдебиеті» - газетінің тарихы
Студия «Team28»