Ежелден жаңару мен жасам­паздықтың бастауы, күн мен түннің, ыстық пен суықтың тең­еле­тін, жер жүзі көктеп-көгеретін, күллі тіршілік атаулы қайта түлеп-жаңаратын – әз-Наурыз мейрамы да жыл құсындай келіп жетті…
Ескі жыл есіркесін, жаңа жыл жа­рылқасын деген ізгі тілекпен ертеңгі күннен жақсылық күтіп, көңілге үміт пен сенім ұялап, адамдар арасындағы өкпе-реніш ұмытылып, қайыра тіл табысып-қауышатын ынтымақ пен бірлік­тің мерекесі баршаңызға құт-бе­ре­ке алып келсін!
Шаңырақтарыңыз шаттыққа толып, еңбектеріңіз жемісті болсын! Ел аман, жұрт тыныш болғай! Жаңа жыл шабыт­та­рыңыз­ды шыңдап, шығарма­шылық жетістіктерге жете бе­ріңіз­дер. Қашанда мерейлеріңіз үстем, мәр­те­белеріңіз жоғары, абырой­ларыңыз асқақ болсын!
Жандарыңыз қартаймасын, жүз­деріңіз­ден әр таймасын. Бас­тарыңыз аман, бауырларыңыз бүтін болсын!
Ұлыс оң, ақ мол болғай!

Ұлықбек ЕСДӘУЛЕТ,
ақын,
Қазақстан Жазушылар одағы
Басқармасының төрағасы.