Радикалды діни көзқарасын өзгерткен…
08.12.2017
757
0

ҚМДБ Діни істер және талдау бөлімінің мәліметіне сәйкес, еліміз бойынша 940 адам дәстүрлі Әбу Ханифа мәзһабына қайтқан. Дәстүрлі діни мектепті таңдаған азаматтар саны бойынша Ақтөбе облысы бірінші орында. Облыс бойынша 308 адам радикалды діни көзқарасын өзгерткенін ресми мәлімдеген. Алматы қаласы бойынша 127 адам радикалды діни райынан қайтқан. Қарағанды облысында 123 адам ханафи мәзһабын таңдаған.

Бұл туралы мәлімет Ал­маты қаласында өткен Қа­зақ­стан Мұсылмандары діни бас­қармасының 2017 жылғы қо­рытынды есебінде ресми жа­рияланды.
«Жат ағымға кеткен аза­мат­тарға уағыз-насихат, тү­сін­діру шараларын жүргізу – Қазақстан Мұсылмандары ді­ни басқармасы жұмысының негізгі жұ­мыс бағыттарының бірі. Бұл бағыт бойынша жұ­мыс­­тар жыл сайын жанда­нып ке­леді. Имамдар теріс жол­ға түс­кен азамат­тармен бірнеше сағат сұхбат­тасады, кездеседі, тү­сіндіру шарала­рын жүр­гізеді. Сонымен қа­тар, дін қыз­меткерлері дес­труктивті ді­ни ағым өкіл­дері арасында мә­дени, руха­ни, спорттық іс-шаралар ұйым­дастырып келеді. Мақсат – жамағатты ме­шіт төңірегіне топтастыру, бір­лікке, ізгі­лікке ұйыту. Со­ның нәти­же­сінде 940 адам дәс­түрлі дінге оралды. Бұл ба­ғыттағы жұ­мыс жыл бойы жал­ғаса бере­ді», – деп атап өт­ті Бас мүфти Ержан қажы Мал­ғажыұлы.
Қазақ дүниетанымынан ажырағысыз, бір-бірімен бі­те қайнасқан ұғымдар – Дін, діл, дәстүр, мәдениет екені бел­гілі. Қазақы болмысы­мыз­ға сай ата дінімізге ке­ре­ғар бағытты ұстанған кейбір ді­ни ағым өкілдері ел ішіне бү­лік салып, ұлт арасын араз қы­лып, бүтін қоғамды пікір қай­шылығымен екіге бөліп жүр­гені алаң көңіл туғы­за­тыны рас. Ата-бабаларымыз ұстанған дәстүрлі Ислам діні – қашан да өміршең. Әділдік пен бейбітшілікті ту еткен ді­німіз адамзат баласына иман­дылықты, парасат пен пайымды, кешірім мен ке­лі­сімді, шапағат пен мейірімді, қанағат пен рахымды, білім мен еңбекті насихат­тай­тын­дықтан, мұсылман адамға көптеген жауапкер­шілік­­ жүктейді. Шынайы дінімізді на­сихаттау, қоғамды ізгілікке шақыру – басты мақ­саттар­дың бірі. Тарихымызды па­рақтар болсақ, халқымыздың қан­дай да бір діни алауыз­дық­тарға жол бермегенін бай­қаймыз.
Алматы қаласында өткен Қа­зақстан Мұсылмандары ді­ни басқармасының қоры­тын­ды есебінде алдағы жылы да діни ахуалды жақсарта түсу үшін көптеген ағартушы­лық жұмыс жүргізілетіні жай­лы айтылды.

Назгүл Әмірбек,
Қазақ Халықаралық қатынастар және Әлем тілдер университетінің
Журналистика факультетінің 2-курс студенті.

ПІКІР ҚОСУ