Шерхан Мұртаза шығармалары түрік тілінде
03.11.2017
3147
2

Қазақстан Республикасының «Қоғамдық сананы жаңғырту» бағдарламасы және Қазақстан мен Түркия арасындағы дипломатиялық қарым-қатынастардың 25 жылдығы аясында Түркияда ай сайын шығатын «Кардеш Калемлер» (Бауырлас қаламдар) атты әдеби журналдың жаңа саны Қазақстанның халық жазушысы Шерхан Мұртазаның шығармашылығына арналды.

Журналға Қазақстанның Түр­кия­дағы Елшісі Абзал Сапар­бе­кұлы­ның «Классик жазушы», Еуразия Жазу­шылар қауымдастығының тө­ра­ғасы Якуб Омароғлының «Ана­сы­на ескерткіш тұрғызған жазушы», жазу­шы Мархабат Байғұттың «Шың­дағы Шерағаң», жазушы Нұрғали Ораздың «Қазақтың ұлттық мани­фес­ті», журналист Талғат Сүйін­бай­дың «Шерағаңа сыр ақтарып қайт­қан­да…», түрік қаламгері Емруллах Өз­демирдің «Түркіге ортақ туынды» ат­ты мақалалары, Ш.Мұртазаның «Ай мен Айша» романы және «Қы­зыл Жебе» роман-эпопеясының үзін­ділері енді. Материалдарды түрік ті­ліне аударып баспаға дайындаған жазу­шы Мәлік Отарбаев. Еске сала ке­тейік, мемлекет және қоғам қай­раткері Шер­хан Мұртаза биылғы жы­лы «Түркі әлемі әдебиетіне қос­қан үлесі үшін» арнайы сыйлығымен марапатталған еді. Сонымен қатар, қазақтың белгілі әдебиет сыншысы, көрнекті қалам­гер Сағат Әшім­баев­тың туғанына 70 жыл толуына орай жазушы Ғаббас Қабыш­ұлының «Асықпай жүрген емес» атты мақа­ласы жа­рық көрді.

ПІКІРЛЕР2
Аноним 23.11.2019 | 19:20

Прозасы жокпа

Аноним 22.01.2020 | 17:26

Аудармалары бар ма ??

ПІКІР ҚОСУ

Ваш адрес email не будет опубликован.

Пікір