Қазақстан Жазушылар одағының мүшесі, ақын Қалибек Шайжанның 70 жасқа толуына байланысты, Жамбыл облысы, Мойынқұм ауданы, Бірлік ауылында қаламгердің мерейтойы өтіп, Мойынқұмдықтар өнерлі перзенттерін ардақтап, мәслихаттың шешімімен «Құрметті азамат» атағын беріп, оны әкімнің орынбасары тапсырды.

Шараға Алматыдан халықаралық дипломат, ардагер ақсақал Қуатбек Тәжібаев, «Сезім» атты жаңа кітап­тың жарыққа шығуына демеушілік көр­сеткен Талғат пен Қабылан се­кілді кәсіпкерлер, сондай-ақ ҚЖО мү­шелері Нұрмұқан Жанұзақ, Саят Қам­шыгер, Дәулетбек Байтұрсынұлы қа­тысып, қаламгерлер атынан одақ Тө­рағасының арнайы құттықтау ха­тын тапсырды. Бір басына бірнеше өнер тоғысқан Қ.Шайжан гармонмен құйқылжыта ән салып, домбырадан күм­бірлете күй төгіп, жадырап-жай­нап өлеңдерін жатқа оқыды. Бұл күн­де Алматыда тұратын ақындарын ауыл сағынып қалған екен, жылы сөз, жымдасқан көңілдер, айқасқан құ­шақтар араларынан жібергісі кел­мей, кеш соңында ағайындар кете ал­май біраз бөгелді. Осылайша атақ­ты желтоқсаншы, «Халық қаһар­ма­ны» Қайрат Рысқұлбеков өмірге кел­ген өңірде азаматтарын ардақ­та­ған, ұрпаққа ұлағатты кеш өтті.