1 қазан – Халықаралық қарттар күніне орай Алматы қа­ла­сы, Жетісу ауданы №9 Оқушылар үйінің директоры Алдакеев Дүйсенбай мырзаның бастамасымен «Ақылды қария – ағып жатқан дария» атты №3 Арнаулы әлеуметтік қыз­мет көрсету орталығындағы қарияларға құрмет көрсетілді. Ме­рекелік іс-шара барысында №9 Оқушылар үйінің жас өнер­паздары мен педагогтары – Аққалқа Арыстанқызы же­текшілік ететін «Назқоңыр» домбырашылар ансамблі, Күлшара Әбиденова жетекшілік жасайтын «Айжұлдыз» би то­бы, Айдана Құралбекқызы жетекшілік жасайтын «Нұр шуақ» театр үйірмесінің мүшелері «Сен менің жанарымның ішіндесің» композициясын сахналады.
Азаматтық сектордың қайырымдылық-гуманитарлық жобасы аясында өткен шарада Дүйсенбай Сұлтанұлы қарт­тарды арнайы мерекесімен құттықтап, игі тілегін жеткізді. Ал №3 «Арнаулы әлеуметтік қызметтер көрсету орталығының» тұрғыны Дариға Бейіс өнерпаз жастар мен ОҮ-нің ұжымына қариялардың атынан үлкен рахметін айтты.