Шымкент қаласында Созақ ауданының «Туған жер- алтын бесігім» атты облыстық фес­ти­валі өтті. Мерекелік шара Ш.Қалдаяқов атын­дағы облыстық филармонияда аудан әкі­мі С.Полатов пен аудан өнерпаздарының жур­­­налистермен өткізген баспасөз-мәслихатымен басталды.
Мұнан кейін қала тұрғындары мен арнайы ша­­қырылған қонақтар Созақ ауданы өнер­паз­да­рының концертін, Созақ халық театры ұжы­мы дайындаған Н.Ораздың «Адасқан жұл­дыз» қойылымын тамашалады.
«Отырар» ғылыми-әмбебап кітапханасында ҚР мәдениет қайраткері, Қазақстан Жазушылар ода­ғының мүшесі, ақын, жазушы, пуб­лист, журналист, республикалық «Айқын» га­зетінің бөлім меңгерушісі Төреғали Тәше­нов­пен кездесу болды. Кез­десу барысында Созақ ау­даны кітаптары көр­месінің тұсауы кесілді.
Облыс тұрғындары ауыл шаруашылығы өнім­дерінің жәрмеңкесін, Ш.Қалдаяқовтың атын­дағы гүлзар 700-ден аса аудандық қолө­нер, қылқалам шеберлерінің жәдігерлері және кітап көрмесін аралады.
Мектеп ұжымдары, мекеме басшылары, ау­дандық мәслихаттың депутаттары, кәсіп­кер­лер, зиялы қауым өкілдері, аудандық, кітап­ханашылар, жергілікті бұқара­лық құралдардың өкілдері мәдени күндердің ба­сы-қасында болып, шараға белсене атса­лыс­ты.

Сәрсенбек ТЕҢІЗБАЕВ.