Салым артып келеді
29.09.2017
586
0

Бірыңғай жинақтаушы зейнатақы қоры таратқан мәліметтерге сүйенсек, 2017 жылғы 1 қыркүйектегі жағдай бойынша зейнетақы жинақтарының жалпы сомасы 7,43 трлн. теңге болған. Жыл басынан бергі өсім 741 млрд. теңгені (11%) құрады. Ал салымшылардың жеке зейнетақы шоттарына есептелген таза инвестициялық табыс сомасы 398,57 млрд. теңгеге жетті.

«Ағымдағы жылдың 1 қыркүйе­гін­дегі жағдай бойынша БЖЗҚ зей­не­тақы активтерінің табыстылығы жыл басынан бері 5,78 пайызды құ­ра­ды. Бұл инфляция деңгейінен 1,9 пайызға жоғары (инфляция 3,9% бол­ды). 2017 жылғы 1 қыркүйектегі жағ­дайда шарттардың барлық түрлері бойынша салымшылардың (алу­шы­лардың) жеке зейнетақы шоттарының (ЖЗШ) саны 10,1 млн. бірлік, оның ішін­де міндетті зейнетақы жарналары (МЗЖ) есебінен 9,63 млн. бірлік бол­ды. Міндетті кәсіптік зейнетақы жар­­налары (МКЗЖ) бойынша са­лым­шылардың ЖЗШ саны 432 мың бір­лікті, ал ерікті зейнетақы жарна­лары (ЕЗЖ) шамамен 40 мың бірлікті құрады», – дейді БЖЗҚ-ның басқару­шы директоры Жанар Төлегенова.
2017 жылдың басынан бері, яғни 1 қаңтар мен 31 тамыз аралығында БЖЗҚ-дан төленген зейнетақы тө­лем­дерінің сомасы 148,57 млрд. тең­ге, оның ішінде сақтандыру ұйымда­рына жасалған аударымдар – 17,58 млрд. теңге болды. 2016 жыл­дың осы ке­зеңін­де БЖЗҚ-дан 118,54 млрд. теңге тө­ленген, оның ішінде сақтан­дыру ұйым­дарына жасалған аударым­дар – 12,51 млрд. теңгені құраған.

ПІКІР ҚОСУ

Ваш e-mail не будет опубликован.

Пікір