Ккібастұздағы Мәшһүр Жүсіп ескерткіші
30.06.2017
753
0

Екібастұз қаласында ұлы ойшыл, тарихшы, этнограф, қазақ әде­биеті мен мәдениетінің белгілі тұл­ғасы Мәшһүр Жүсіп Көпейұлы­ның ескерткіші ашылды. Бірнеше жыл бұрын кеншілер қаласының бас көшесі – Ленин көшесіне әулие ба­бамыздың есімі берілгенде бөр­кін аспанға атып шаттанған халық­тың қуанышы еселене түсті. Ес­керт­кіштің ашылу салтанатына об­лыс әкімі Болат Бақауов, С.То­рай­ғыров атындағы Павлодар мем­ле­кеттік университетінің қыз­мет­кері, мәш­һүр­танушы Айтмұхамбет Тұрышев, Мәшһүр Жүсіп Көпейұлы­ның ұр­пақтары, алыс-жа­қыннан келген қо­нақтар қа­тыс­ты.
Аймақ басшысы Болат Бақауов­пен ғұламаның шөбересі Абай Ша­рапиев ескерткіш жабуын түсір­ген соң, С.Торайғыров атындағы №22 гимназия-мектебінің оқу­шы­сы Бауыржан Кәкімов пен «Зерде» мек­тебінің оқушысы – Мәшһүр Жү­сіп бабаның шөпшегі Перизат Сүйін­дік ақын өлеңдерін оқыды.
Екібастұзға кіреберіс тұсқа ерекше рең беріп, ел рухын көтеріп тұрған қола ескерткіштің биіктігі тұ­­ғыртасымен қоса есептегенде 7 метрге жуық. Авторы – қараған­ды­лық мүсінші Жаубасар Қалиев.
60 жылдық мерекесін атап өт­кен кеншілер шаһарында қазақтың дарынды ұлдарына арнап бұған дейін талай ескерткіш соғылған. Бү­­гінгі ескерткіш ең көркем әрі сәт­ті жасалған деуге болады. Ес­керт­кіштің ашылуына Екібастұз қа­ласының әкімі Қайрат Нүкенов қол­дау танытып, «Екібастұз қала­сын­дағы Мәшһүр Жүсіп қоғамдық қо­ры» (президенті Бақтыбай Амантаев) мұрындық болды.

Диана Бақтаева.

ПІКІР ҚОСУ

Ваш e-mail не будет опубликован.

Пікір