АҚЫН ШЫҒАРМАШЫЛЫҒЫ ҚАРАШАҢЫРАҚТА ҰЛЫҚТАЛДЫ
16.06.2017
540
0

Қазақстан Жазушылар одағының қасиетті қарашаңырағында Жазушылар одағының Төрағасы, көрнекті ақын, белгілі драматург, мемлекет және қоғам қайраткері Нұрлан Оразалиннің жетпіс жасқа толған мерейтойы аясында кітаптарының тұсаукесер рәсімі өтті.

Тұсаукесер рәсімін белгілі ақын, Жазушылар одағы төраға­сы­ның орынбасары Ғалым Жайлыбай ашып, ақынның ерте кез­ден басталған шығармашылық жо­лына тоқталды. Қасиетті шаңы­рақ­та тұсауы кесілгелі тұр­ған ақын­ның соңғы жылдары жа­зыл­ған алты кі­табы туралы сөз қозға­ды. Тұсаукесерге елі­міздің он төрт облысынан ақын-жазушылар, сон­дай-ақ алыс-жа­қын шетелдерден келген арнайы делегация өкіл­дері қатысты. Ал­ғаш­қы сөз Түркиядан ар­найы келген делегация мү­ше­леріне беріліп, Түр­кия Премьер-министрінің орын­­ба­сары Тұ­ғы­рыл Түркештің құт­тықтау хатын оның кеңесшісі Тұр­сын Кубеноғлы жет­кізген, бауыр­­малдық тілегін ерек­ше әсер­де қабылдадық. Оған қо­са, ме­рейтой иесіне Түркия Жазу­­­шы­лар одағының сыйлығы, ЭКО Еуразия қауымдастығының сый­­лығы тапсырылып, ақын ме­рейін бір көтеріп тастағандай. Бү­­кіл түр­кі дүниесінде шығармашылық құбылыс жа­­са­ған тұлғаларға бері­летін атал­­мыш сыйлықты сонау Аме­ри­ка­дан бастап Маке­донияға дейін, Бал­қан елдерінен бастап Түр­кияның бірнеше қала­ларында өнер, әдебиет, мәдениет қайраткер­леріне тап­­сырылғанын ті­ліне тиек етті. Арнайы сый­лық сим­волы – Білге қа­ған­­ның ес­керткіші. Осы ес­керт­кіште Исмаил Гаспралының «Тіл­де, діл­де және тіршілікте – бірлік» деген ұраны жазылған. Қа­зақстан ха­лқы Ас­самблея­сы­ның бірінші орынбасары Дархан Мыңбай жүрекжарды тілегін құт­тық­тау хат арқылы білдіріпті.
Шара барысында мерейтой ие­сі өлеңдерін татар тіліне ау­дар­ған танымал ақын Роберт Мин­нул­линді, онымен бірге Мәс­кеу­ден, Өз­бекстан, Әзірбайжаннан келген делегация өкілдерін сах­наға ша­қырды. Ақын Роберт Миннуллин өз сөзінде Нұрлан Ораза­лин­нің өлеңдері татаршаға ау­дару барысында оның шығар­малары өзіне бұрынғы қазақ батырларындай бірбеткейлік, на­мыс­шылдық рух бергенін ерек­ше тебі­ре­ніспен сөз етті.

ПІКІР ҚОСУ

Ваш e-mail не будет опубликован.

Пікір