Қазақтың Жамбыл атындағы мемлекеттік филар­мониясы Ұлыстың ұлы күнін атап өтті. Филармония директоры, Қа­зақ­станның еңбек сіңірген қай­рат­кері Жеңіс Сейдоллаұлы «Ар­мы­сың, әз Наурыз!» шарасына келген бар­лық өнер ұжымдары мен қоғам және мәдениет қайраткерлерін Ұлыс­тың ұлы күнімен құттықтап, фи­лармонияның биылғы тың жос­парларымен бөлісіп, шараға арнайы шақырылған қонақтарды көпшілікке таныстырды.

Қа­зақ­станның халық  артисі, Мемлекет­тік сый­лықтың иегері Нұрғали Нүсіп­жанов, қоғам қайраткері, Рес­публикалық спорт колледжінің ди­ректоры Амалбек Тшанов, ҰҚК ге­нералы, спортшы-рекордшы И.И.Иванов, филармонияның бұрынғы директоры Мәулен Дәуіт­баев, Қазақстанның еңбек сіңірген артисі Дариға Тілендікеліні секілді құрметті қонақтар сөз алып, бір ай бойы тойланатын Наурыз мере­ке­сі­нің қазақ дүниетанымындағы ор­ны мен маңызына ерекше тоқ­талып, еліміз  үшін биылғы жыл­дың бақ пен берекеге толы болуына, өнер және мәдениет қай­­рат­­­ке­р­лерінің шығармашылық әлеуетінің арта беруіне тілектес­тіктерін біл­дір­ді.
Филармонияның концерттік шарасында Нұрғиса Тілендиев атын­­дағы академиялық фольк­лор­лы-этнографиялық «Отырар сазы» оркестрі домбырашылары, Мақпал Тоқтағанова, Біржан Бәзілжанов сынды әншілер, Б.Байқадамов атындағы Мемлекеттік хор капелласы жеке орындаушыларының орындауында кон­церт­тік бағдар­лама көрсетілді.
Шара соңында шығармашылық ұжым мүшелері кір тасын көтеріп, арқан тартыс жарыстарына қатыс­ты, филармонияда бірге қызмет етіп жатқан өнер ұжымдары дастар­қан мәзірінен жарысқа түсті. Нә­ти­жесінде, Нұрғиса Тілендиев атын­­дағы академиялық фольк­лор­лы-этнографиялық «Отырар сазы» оркестрі – І орын, Мемлекеттік сим­фониялық оркестр – ІІ орын, Бақытжан Байқадамов атын­дағы мемлекеттік хор капелла­сы – ІІІ орын иеленді. Жүлдегерлер ба­ғалы сыйлықтармен марапат­талып, БАҚ өкілдеріне де құрмет көр­сетілді.