Төрт студентке «Айқын» газетінің шәкіртақысы берілді
07.04.2017
667
0

Республикалық қоғамдық-саяси «Айқын» газеті мүшел жасына орай «13 жылдыққа – он үш шара» атты бастама көтерген еді. Сол жоба аясында басылым ұжымы әл-Фараби атындағы ҚазҰУ-дің журналистика факультетінің студенттерімен әдеттегіден өзгеше жағдайда, дастархан басында дидарласты.
«Айқын» ұжымын Журналистика факультетінде ерекше салтанатпен кү­тіп алған журналистика факультетінің деканы Сағатбек Медеу­бек­ұлы: «Қазақ мүшел жасына ұлан-асыр той жасайды. Осы ата-дәстүрді жаңғыртып жүр­ген «Айқын» газетінің ұжымына алғыс айтқымыз келеді.  Осы әдемі үр­діс­ті енді еліміздің өзге де БАҚ өкілдері ізін суытпай, жалғаса дейміз», – деп ақ тілегін айтты.
«Бұл шаңырақ жас журналистерді дайындайтын бірден-бір оқу орны еке­нін жылдар бойы дәлелдеп келеді. «13 жылдыққа – он үш шара» аясында ҚазҰУ-ге ат басын бұрмай тұра алмадық. Жылы шыраймен қабылдап, қо­нақ ретінде күтіп алған факультет ұжымына алғыс айтқымыз келеді», – де­ген «Айқын» газетінің бас редакторы Нұртөре Жүсіп журналистикаға де­ген талабы зор төрт студентке бір реттік шәкіртақы берді.  Оның бірін «Айқын» газетінің журналисі Айдана Нұрмұхан анасының рухының құрметіне өз аты­нан табыс етті.

ПІКІР ҚОСУ

Ваш e-mail не будет опубликован.

Пікір