Бұдан бұрын газетімізде хабарлағанымыздай (№7.20.02.25), Қостанай облысының әкімі Құмар АҚСАҚАЛОВ өңірдегі кешенді әдеби жобаларға нақты көмек көрсетілетіні туралы айтқан еді. Солардың қатарында Қазақстан Жазушылар одағының ұсыныстары басты назарда ұсталған болатын.
Міне, енді биылғы әз-Наурыз мерекесінде облыс әкімінің тікелей шешімімен облыстағы Одаққа мүше 12 ақын-жазушының әрқайсысына 500 мың теңгеден облыс әкімінің стипендиясы тағайындалып, салтанатты түрде табыс етілді.
Танымал қаламгерлер Серікбай Оспанов, Ақылбек Шаяхмет, Жанұзақ Аязбекұлы, Александра Суслова және басқалары облыс басшысының ұлт руханиятына үлес қосып жүрген қаламгерді қолдағаны үшін облыс әкіміне алғыстарын айтты.
Әкім алдағы уақытта да кітап шығару, шығармашылық кештер өткізу, жас таланттарды демеу секілді белгіленген іс-шаралар рет-ретімен жалғасын таба беретініне сенім білдірді.
Жанұзақ АЯЗБЕКҰЛЫ,
Қостанай облысы
"Қазақ әдебиеті" — Қазақстан Республикасының әдебиет, мәдениет және өнер газеті. Әр апта сайын, жұма күні шығады.
Газет 1934 жылдың 10 қаңтарынан бастап шыға бастады. «Қазақ әдебиеті» газеті — Қазақстан жазушылар одағының органы ретінде тұңғыш саны 1934 жылдың қаңтарында жарық көрген.
«Қазақ әдебиеті» - газетінің тарихы
Студия «Team28»