Алматы қаласындағы Сапарғали Бегалин атындағы балалар кітапханасында Д.А.Қонаевтың туғанына 105 жыл толуына орай «Ұлты­мыз­дың Ұлы Тұлғасы» атты еске алу кеші өтті.

Кеш барысында Д.А.Қонаев мұра­жайы­ның директоры Е.И.Құбышева мұражайдан әкелінген жәдігерлермен және фотоальбомдармен оқырман­дарды таныстырып, Д.А.Қонаев туралы естелік әңгімелер айтты. Кітап­ханаға «Дінмұхамед Ахметұлы Қонаев – Ғасыр саңлағы» және «Ақиқаттан аттауға болмайды» атты кітаптарын сыйға тартты.
Қонаев атындағы Еуразиялық Заң академиясының профессоры, қонаев­тану­­шы,Қазақстан Жазушылар ода­ғы­ның мүшесі, жазушы Ораз Қауға­бай Д.А.Қонаевтың бойындағы ке­мең­герлік, көрегендік, бекзаттық және сәуегейлік қасиеттері туралы, жеке өмірі мен Қазақстанға сіңірген еңбектері жайлы ой қозғап, оқыр­мандардың біраз сауалдарына жауап берді. Кітапхана қорына «Әлмеректің бес баласы және Еділ-Жайық» атты кітабын сыйға берді.
«Мөлдір бұлақ» журналының бас редакторының орынбасары, ақын Саят Қамшыгер Д.А.Қонаев туралы оқыр­мандармен естелік әң­гімелерімен бөлісті.
Республикалық эстрада-цирк кол­лед­жінің студенттері Әмірхан Ба­қыт­­бек, Нұрсадық Дарын өлең оқып, ән шырқады. Қаладағы №143 мектеп- лицейінің оқушылары да ша­раны ұйымдастыруға атсалысып, өз үлесте­рін қосты. Кітапхана қызмет­керлері Гүлнар Омарова және Әлия Тайшыбековалар Д.А.Қонаев туралы баяндама жасады. Сондай-ақ, шара ба­рысында кітап көрмесі ұйымдас­ты­рылды.