ЕҢБЕКТЕНЕ БІЛГЕННІҢ ЕҢСЕСІ БИІК
21.08.2016
902
0

b7a9530d6a9cc83558220694ef7e2dae«Шындықты мойындайық: болашақта ХХІ ғасырда тек еңбек қана барлық қазақстандықтардың әл-ауқатқа және жаңа өмір сапасына қол жеткізуін қамтамасыз ете алады». Елбасы Н.Назарбаевтың «Қазақстанның әлеуметтік жаңғыртылуы: Жалпыға Ортақ Еңбек Қоғамына қарай 20 қадам» атты бағдарламалық мақаласында айтылған осы бір терең мағыналы сөздің мән-маңызы мен нақты көрінісіне жұрт көз жеткізуде. Еселі еңбектің нәтижесінде еліміздің экономикасы дамып, тұрғындарының тұрмысы жақсара түсуде. Күні кеше елімізде қарқынды дамып келе жатқан саланың бірі – құры­лыста еңбек етіп жатқан мыңдаған құрылысшы кәсіби мерекелерін атап өтті. Өңірлерде құрылыс саласы қарқынды дамып, жаңа әлеуметтік нысандардың, тұрғын үйлердің бой көтеруі де еселі еңбектің жемісі.

Мысалы, Оңтүстік Қазақстан облысында биыл әлеуметтiк, тұрғын үй, инф­рақұрылым жүйелерi объектiлерi бойынша 201 нысанның құрылысы жүргiзiлуде. 67 бiлiм беру ғимараты салынуда. Оның 28-нiң құрылысы келесi жылы аяқталса, 13-i биыл ел игiлiгiне пайдалануға берiлдi, қалғаны жыл аяғына дейiн тапсырылады. 10 денсаулық сақтау мекемесi салынып жатыр. Бiреуi үстiмiздегi жылдың мамыр айында ашылды. Мәдениет саласында жылдың басынан берi 4 нысан пайдалануға берiлдi. Жыл соңына дейiн тағы төртеуiнiң құрылысын аяқтау күтiлуде. Осы шiлдеде Шымкент қаласындағы «Асар» шағынауда­нын­да халыққа қызмет көрсету орталығы­ның жаңа ғимараты пайдалануға берiлдi.ҚР Ұлттық Экономика министрлiгi жүк­те­­ген тапсырмаға сәйкес, биыл облыста 4 172 пәтер үлестiрiлуi тиiс. Алайда, оның орнына 6032 пәтер тапсырылып, жоспар арты­ғымен орындалғалы тұр. Үстiмiздегi жыл­дың қаңтар-маусым айларында өңiрi­мiзде 277,5 мың шаршы метр тұрғын үй немесе 2668 пәтер пайдалануға берiлсе, жыл соңына қарай 3384 пәтер кiлтi жаңа иелерiне табысталмақ.Инженерлiк ин-ф­рақұ­рылымдар құрылысына ағымдағы жылы 8 423 млн. теңге қарастырылса, со­ның 800 млн. теңгесi өңiрдегi жалғыз мо­ноқала инфрақұрылымын дамытуға бағытталған. ҚР Ұлттық қорынан бөлiнген қаржыға «Нұрлы жол» бағдарламасы шеңберiнде 23 мектеп, 1 балабақша және 11 инфрақұрылым құрылысының жұмыс­тары жүргiзiлуде. Сондай-ақ, «Жұмыспен қамту-2020 жол картасы» бағдарламасы аясында 371,7 млн. теңгеге 1 жатақхана салынуда. Міне, осындай көрсеткіштерге қол жеткізіп отырған құрылыс саласында мінсіз еңбек етіп жүрген азаматтар кәсіби мерекелері қарсаңында түрлі марапаттарға ие болды. Бұл орайда, Елбасы Н.Назарбаев­тың: «Бүгінде әлеуметтік дамудың жаһандық тренді «ЖАЛПЫҒА ОРТАҚ ЕҢБЕК ҚОҒАМЫНА» өтуге барып тіреледі. Сондықтан адал еңбекке ынталандырудың жолын табу, еңбек табыстарын қоғамдық ынталандырудың жүйесін құру – Қазақстандағы әлеуметтік жаңғыртудың аса маңызды мәселелерінің бірі», –  деген сөзі еңбегі бағаланған әрбір азаматтың жадында.

Елбасы халыққа арнаған Жолдауында экономикалық өсімнің өңірлік драйверле­рін қалыптастыру маңызды екенін атап өткен болатын. Сондай-ақ, Мемлекет басшысы барлық инвестициялық жобалар тікелей өңірлерде жүзеге асырылатынын айтты. Бұл орайда, Оңтүстік Қазақстан облысында инвестиция көлемін арттыруға басымдық беріліп келеді. Мысалы, бірқа­та­р ау­дандар бойынша айтатын болсақ,  ағымдағы жылдың  бірінші жартыжыл­ды­­ғында негізгі капиталға тартылған инвес­тиция көлемі Шардара ауданында 11689,2 млн.теңгені құраған. Оның ішінде мемлекет қаражаты есебінен 1161,9 млн.теңге, жеке­мен­шік қаражат есебінен 200,5 млн.теңге және басқа да қарыз қаражат есебінен 10326,8 млн.теңге инвестиция тартылған. Жал­пы, негізгі капиталға тартылған инвестиция көлемі өткен жылдың тиісті мерзі­мі­мен салыстырғанда, 2,4 есеге артып отыр. Ал Созақ ауданында алты айда 14 млрд. 100 млн. теңге инвестиция тар­тылған. Яғни өткен жылдың осы кезеңімен  салыстырғанда, 125 пайызға  арт­қан.  Арыс қаласында 4 млрд. 872,2 млн. теңгеге ин­вес­тиция тартылып, өткен жылмен салыс­тырғанда, 172,6 % артқан. Иә, бар­лық аудандар инвестиция тарту мәсе­лесіне жауапкершілікпен қарауда.

Мемлекет басшысы өз Жолдауында Жал­пыға Ортақ Еңбек Қоғамы  ғана  сырт­қы сілкіністерге орнықты, тиімді эконо­ми­каның нақты негізі болуға қабі­лет­ті екенін айта келе, азаматтарға әлеу­мет­тік қолдауды кеңейту мақсатында Үкіметке еңбекпен қамтудың жаңа Жол картасын жасауды тапсырған болатын. Елбасы тапсырмасы бүгінде өңірлерде жүзеге асырылуда. Мысалы, біз жоғарыда айтып өткен Шардара  ауданында 2016 жылға «Бизнестің жол картасы-2020» бағдарламасы бойынша  облыс әкімдігімен жасалынған үш­жақ­ты келісімге сәйкес, 14 жобаға қолдау көрсетіп, іске асыру межеленген. Сондай-ақ, «Ауылшаруашылығын қаржылай қолдау қоры» АҚ-ы арқылы  «Жұмыспен қамту жол картасы-2020» бағдарламасының 2 бағыты бойынша мал шаруашылығын дамытуға және шағын кәсіпкерлікті қолдау  мақсатында шағын несие алуға ұсыныс білдірген  45 тұлғаның құжаттары дайындалып, 112,7  млн. теңгеге несие ко­ми­тетінен мақұлданып,  қаржыланды­рыл­ды. Ал индустриалды аймақ аумағын­да қазіргі таңда 3  жоба –  «Ақжол 2008 ЛТД» ЖШС-нің қамыстан гофрланған картон дайындау, «Seikhun» ЖШС-нің композиттік өнімдер шығару өндірістері және жеке кәсіпкер Ш.Арыновтың газоблок дайындау цехы іске асырылуда. Астана қаласының «Ақнұр ЛТД» ЖШС-і ет өнімдерін өндіру, өңдеу, экспортқа шығару бағытындағы жобаны іске асыруға қызығушылық танытуда. Ал неміс-қазақ «Промондис Қазақстан» компаниясы бірлескен кәсіпорны ауданда күн энергиясын өндіретін болады. Жобаның құны 30,0 млрд. теңгеге бағаланып отыр. Қазіргі таңда жер телімі белгіленіп, меншік иелері­мен тиісті жұмыстар атқарылуда.

Күн энергиясы демекші, Елбасы Жолдауында айтылған «көмірсутегі ши­кіза­тының нарығында ірі ойыншы болып қала отырып, энергияның баламалы түрлерін өндіруді дамыту, күн мен желдің энергиясын пайдаланатын технологияларды бел­сен­ді енгізу» мәселесі «Жасыл экономи­ка­ға көшу» жөніндегі тұжырымдамада қамтылған болатын. Тұжырымдамада көрсетілген міндеттерді жүзеге асыру мақ­сатында Созақ ауданында да күн сәулесін пайдалану арқылы электр энергиясын өндіретін станция салынбақ. Бұл жобаның іске асырылуына германиялық «Gre­enEnergy 3000 Holding» ниет білдіріп отыр. Қажетті құжаттар әзірленсе, станцияның құрылыс жұмыстары осы жылдың қараша айында басталып, 200-ге жуық жұмысшы тартылады. Ал Арыс қаласында «KAZ GREEN TEK SOLAR» ЖШС-нің құны 11,0 млрд. теңге болатын баламалы электр энергиясын өндіру жобасын жүзеге асыру арқылы 20-30 адамды жұмыспен қамту көзделген.

Мемлекет басшысының «Қазақстан­ның  әлеуметтік жаңғыртылуы: жалпыға ортақ еңбек қадамына қарай 20 қадам» атты мақаласы жұмыспен қамту ор­та­лық­тарына да жаңа міндеттер жүктегені мәлім. Бұл орайда,  «Жұмыспен қамту жол картасы-2020» бағдарламасы шеңберінде шардаралық жеке кәсіпкер Е.Өтесінов ауылшаруашылық техникаларын модернизациялау жобасы бойынша облыста өткізілетін конкурстық грантты жеңіп алды. Сонымен қатар, 6 жеке кәсіпкердің құжаттары екінші деңгейлі банктерге жинақталуда және 1 кәсіпкердің инф­ра­құ­ры­лым­ды жүргізу бойынша құжаттары сараптамадан өткізіліп, өңірлік үйлестіру кеңесінің қарауына салалық, эконо­ми­калық қорытындылар алынуда. Кәсіпкер-лер мен шаруаларды қолдау бағытында көктемгі дала жұмыстарын ұйымдастыруға «Ырыс» МКҰ арқылы жалпы сомасы  331,2 млн. теңгені құрайтын 204 жобаның құжаттары несие комитетінде мақұлдан­ған. Ауданда орта және шағын бизнестің дамуына мол мүмкіндік жасалып отыр. Бұл орайда, облыстағы «Максимум» АИО ЖШС, «Ырыс» ЖШС-і басшылары, «Ауыл шаруашылығын қаржылай қолдау қоры» АҚ, «Даму» кәсіпкерлікті дамыту қоры АҚ-ы және «Қазақстан Халық Банкі» АҚ-ы ОҚО бойынша филиалы сынды қаржы институттарының өкілдері шарда­ралық шаруалар мен кәсіпкерлерге несие алудың жолдары мен тәртіптері, заңды­лық­тары жөнінде түсіндірді. Осы арада айта кетелік, шардаралдықтар үшін маңызды мәселенің бірі – қала және ауыл­дық округтерге көгілдір отын тарту. Ағымдағы жылы  елді мекендерді газдандыру бойынша облыстық бюджеттен 1 040,7  млн. теңге  қаралып, 2 нысанның құрылысы жүргізілуде. Шардара мен Қоссейіт ауылында ауыз су жүйелерінің құрылысына облыстық бюджеттен 434,8 млн. теңге бөлінген. Қоссейіт елді меке­нінде су жүйелерінің құрылысы аяқталуда. Қазіргі кезде ауылға су айдалып, тексеру жұмыстары жүргізілуде. Яғни алдағы уақытта Қоссейіт елді мекенінің 4997 хал­қы құбыр жүйесімен қамтылады. Қараша айында жалпы аудан бойынша орталық­тандырылған құбыр жүйесімен қамтылған халықтың үлесі  92 пайызды құрайтын болады. Ал Арыс қаласында индустрияландыру картасы аясында құны 448,0 млн. теңгелік 2 жоба іске асырылып, тұрақты 75 жаңа жұмыс орындары ашылады және құрылыс жұмыстарына 15 адам уақытша жұмыс орындарымен қамтылатын болады. Сондай-ақ,  «Ордабасы құс» ЖШС-нің құны 2,5 млрд. теңге болатын жылына  1,8 млн. дана жұмыртқа шығаратын фабрика жобасын іске асыру жоспарланған. Жо­ба­ның іске асырылу мерзімі 2015-2017 жылдар аралығы, қазіргі таңда жобалық құжаттары дайындалып, топографиялық және геодезиялық жұмыстары жүргізілуде. Жетпіс адам тұрақты жұмыспен қамтыла­тын болады.

Биыл «Бизнестің жол картасы-2020» бағдарламасы аясында 3 бағыт бойынша 4 жобаға әр түрлі қолдаулар көрсетілетін болады. Қаладағы индустриалды аймақ­тың инфрақұрылымы сметалық құнымен алғанда 744,2 млн. теңгені құрайды. Өн­діріс­тік алаңды іске қосу арқылы балмұз­дақ, құрама жем, минералды сусын, жиһаз шығаратын, балық өңдейтін цехтар, ұн шығаратын диірмен, сауда-логистикалық орталығына техникалық негіздеме бойынша арнайы орындар бөліп, құны 1885,0 млн. теңгені құрайтын инвестициялық жобаларды жүзеге асыру жоспарланған. Индустриалды аймақта іске асатын жо­балардың есебінен 1035 адам  жаңа жұмыс орындарымен қамтылмақ.

Елбасы Н.Назарбаев «Қазақстан жаңа жаһандық нақты ахуалда: өсім, реформалар, даму» атты Қазақстан халқына Жолдауында еліміз ширек ғасырда жаһандық шаруашылық байланыстарға қосылған егемен ұлттық экономика және ұлттардың әлемдік отбасының толыққанды қатысу­шысына айналған мемлекет ретінде қа­лып­тасқанын атап өтті.  «Біздің халқымыз ешқашан бүгінгідей бақуатты тұрмыс кешіп көрген жоқ. Тәуелсіздік алғаннан бері 1300-ден астам денсаулық сақтау нысаны мен 1700-ден астам білім беру ошағын салдық. Олардың барлығын ең соңғы үлгідегі құралдармен жабдықтадық. Аса күрделі операцияларды өз елімізде, өз дәрігерлеріміз жасайтын жағдайға жеттік. Жалпы халықтың тұрмысының, денсаулы­ғының түзелуі, санының өсуінің нәтиже­сін­де қазақстандықтардың орташа өмір ұзақтығы 72 жасқа жуықтады», – делінген Елбасы Жолдауында. Жолдауда айтылған жарқын істерді еліміздің әрбір аймақ, аудан, қала немесе ауылынан көруге болады. Мысалы, биыл 60 жылдық мерейтойы ел Тәуелсiздiгiнiң 25 жылдығымен тұспа-тұс келiп отырған Арыс қаласында білім беру саласына 5 млрд. 532 млн. 688 мың теңге қаржы  бөлініпті.  Мектептер заманауи жабдықтармен қамтамасыз етіліп, оқушылардың сапалы білім алуына барлық жағдай жасалған.  2015-2016 оқу жылына 71,3 млн. теңге қаржыға 90 мың­нан астам оқулықтар алынған. 10 білім беру нысанын күрделі жөндеуге республи­калық, облыстық және қалалық бюджеттерден барлығы 918,3 млн. теңге қаржы бөлініп, күрделі жөндеу жұмыстары жүр­гізілді. Сондай-ақ, Т.Тәжібаев атындағы №1 балалар үйін күрделі жөндеуден өт­кізуге облыстық бюджеттен 81,0 млн. теңге қаржы бөлінген. Жергілікті бюджеттен бөлінген 1,8 млн. теңге қаржыға педагог­тар­дың деңгейлік курстарда оқудан өтуі және біліктілікті арттыруы қамтамасыз етілген. Күрделі жөндеуден өткізілетін 3 білім беру нысандырының жалпы құны 149 млн. теңгені құрайды. Ал мектептерді ағымдағы жөндеуден өткізуге аудандық бюджеттен 9,0 млн. теңге бөлініп, ағым­дағы ақтау, сырлау жұмыстары жүргізілуде. Ден­саулық сақтау саласында да ауқымды істер атқарылуда. Мысалы, Ақдала ауылында дәрігерлік амбулаториясына күр­делі жөндеу жұмыстарына облыстық бюджеттен 51,2 млн. теңге қаржы бөлініп, жұмыстар толық аяқталған. Бұл биылғы жылғы нәтижелі істер, яғни ширек ғасырдың бір сәті ғана.

Айта кетелік, Елбасы Н.Назарбаевтың «Қазақстан -2050» стратегиясы қалыптас­қан мемлекеттік жаңа саяси бағыт» атты Қазақстан халқына Жолдауын іске асыру шеңберінде әзірленген Үкіметтің «Өңір­лерді дамыту» бағдарламасына сәйкес, Арыс қаласы елімізде шағын қалалардың құрамына еніп, «2016-2020 жылдарға арналған Арыс қаласының кешенді даму жоспары» әзірленген болатын. Осы жос­пар­ға сәйкес 2016-2020 жылдары 4 мектеп, 3 бала бақша құрылысына, 2 мектепті күрделі жөндеуге, жаңа кітапхана, 4 денсаулық сақтау нысандары, 3 тұрғын үй құрылысына, инженерлік-инфрақұ­ры­лым­дарды дамытуға, жолдарды орташа жөндеуге, қалаға газ тартуға және инвес­торлар тарапынан кәсіпорындар мен цехтар ашуға барлығы – 30 977,3 млн. теңге қаржы көзделген. Арыста ауылшаруашы­лық саласын дамытуға да көңіл бөлінуде. Алғашқы жартыжылдықта 3.181,6 млн. теңгенің ауыл шаруашылығы өнімдері өндіріліп, нақты көлем индексі 102,3 % болды. Жаңа техникалар алынып, МТС ашылды, ауылшаруашылығы кооператив­тері құрылды. Бұл бағыттағы жұмыстар жоспарланғаннан артығымен орындалып отыр. «Қазына жер LTD» ЖШС-і 2012 жылы «ҚазАгроҚаржы» ұйымынан несие алып, оған өз қаржысын қосып Канададан 389 бас асыл тұқымды сүтті сиыр әкелiп, тауарлы-сүт фермасын ашқан болатын. Бүгiнде мал басы көбейiп, 1 077-ге жеткен. Оның iшiнде 450 бас сауын сиырдан кү­нiне 9 тонна сүт сауылуда. Серiктестiк басшыларының айтуынша, бiр сиыр орташа есеппен күнiне 22 литр сүт бередi. Алынған өнiм Шымкент қаласындағы «Алтын Дән» және «Фудмастер» компания­ларының сүт өңдеу зауытына тасымалдануда. Осы серіктестік иелiгiнде 2 816 гектар егiстiк жер бар. Оның 1 131 гектарына жүгерi, 495 гектарына жоңышқа егiлген. Яғни ферманың жем-шөбi қамдалады. Аталған компания Арысқа қарасты 6 ауыл округiнiң орталығына алып тоңазытқыш­тар орнатып, сүт қабылдау бекеттерiн ашқан. Қолындағы сиырын сауып, әр 10 күн сайын 100 мың теңге табыс тауып жат­қан отбасылар бар көрiнедi. «Серiктес­тiк өздерiндегi асыл тұқымды iрi қараның төлiн жергiлiктi тұрғындарға сата бастады. Оның үстiне болашақта сүт өңдейтiн шағын зауыт ашу жоспарларында бар. Яғ­ни тұрғындар асыл тұқымды мал алып, оның сүтiн өткiзiп, күнкөрiсiн жақсарта ала­ды. Ал «Агрофирма «Жаңа Ақдала» серiк­тестiгі биыл 300 гектар алқапқа қызанақ егiптi. Мамандардың айтуынша, тамшылатып суару әдiсiнiң арқасында әр гектардан 50 тонна қызанақ алу жоспар­лан­ған. Мұнан бөлек серiктестiк 170 гектар жерге бау өсiрiптi. Жиылған өнiм, көкөнiс және жемiс жұмысы қайта жандан­ған томат зауытында өңделiп, тұтынушыға жол тартады. Жалпы, серiктестiк 120 адам­ды тұрақты жұмыспен қамтып отыр. Маусымдық жұмыстар кезiнде бұл көрсет­кiш 180 адамға дейiн жетедi екен.

Шалғайдағы Созақ ауданы халқының тұрмыс жағдайын жақсартуға уранның, осы табиғи байлығымызды өндіріп-өң­дей­тін «Қазатомөнеркәсіп» ұлттық атом компаниясына қарасты кәсіпорындардың әсер-ықпалы ерекше екені аян. Дегенмен, аудан уранға «қарап қалмай», экономика­лық әлеуетін нығайта түсу үшін дамудың басқа бағыттарына басымдық беруде. Бұл орайда, Елбасы Н.Назарбаевтың Жолдау­ынан туындаған агроөнеркәсіп кешенін дамыту жоспарына енгізілген түзетулер мен өзгертулердің негізгі ұстаным болып отырғаны аян. Елбасы Жолдауында: «Қа­зақс­танның агроөнеркәсіп кешенін инновациялық бағытқа түсіру маңызды. Бұл – біздің дәстүрлі саламыз. Азық-тү­лікке деген қажеттілік арта береді. Бұл секторға инвестиция көбірек салынады. Сондықтан бүгінгі фермерлер тек уақытша әрі ауа райына байланысты кездейсоқ жетістіктерді малданып қалмай, өндірістің өсімі жөнінде ойлануға тиіс. Жаһандық ауыл шаруашылығы өндірісінде бәсеке өсе беретін болады. Жермен жұмыс істей­тіндер, ең алдымен, жаңа технологияларды енгізіп, өнімділікті үздіксіз арттыратындар, жұмысын әлемдік стандарттар негізінде жүргізетіндер болуы керек», – делінген болатын. Сондай-ақ, Мемлекет басшысы «Қазақстан ет және сүт өнімдерін экспорттайтын өңірлік ірі елге айналуға тиіс» екенін де атап өтті.  Жолдауларда айтылған және айқын көрсетілген мін­деттер Созақ ауданында да жүзеге асырылуда. Мысалы, жуырда ауданда асыл тұ­қым­ды мал өсіру, бордақылау және мал өнімдерін өңдейтін кешен – «Соз-Агра» корпоративтік қоры құрылды. Бұл аудан әкімдігінің уран өндіретін француздық «Арева» компаниясы және қазақ-француз «Катко» БК-мен ұзақ жылғы келіссөздерінің нәтижесі. Әлеуметтік жауапкершілік аясында аудандағы ауыл шаруашылық саласына француздық компания 400 млн. теңге инвестиция құйып отыр. Корпоративке 300 бас асыл тұқымды мүйізді ірі қара мен 15 бас бұқа алынбақ. Мал өрісіне жер бө­лін­ген. Іске асатын жобада мал басын алу­ға 50 млн. теңге, кешен құрылысына 268 млн. ал ауыл шаруашылығына қажетті техникаларға 82 млн. теңге қаржы жұмса­лып, жалпы 50 адам жұмыспен қамтылатын болады. Сондай-ақ, «Соз-Агра» корпо­ра­тивтік қоры алдағы уақытта Қазақ Ұлттық Аграрлық университеттің ғалымдарымен бірлесе отырып, аудан көлемінде ауыл ша­руашылығын дамытуды көздеп отыр. Жалпы, ауданда ауыл шаруашылығы саласы бойынша жыл басынан бергі  6 айда өнім көлемі 3 млрд. 825 млн. теңгені құрап,  өткен жылғы осы кезеңмен салыстырғанда, 110 пайызға артығымен орындалған. Мал ба­сының барлық түрі бойынша өсім бар. Атап айтсақ,  мүйізді ірі қара – 26935 бас немесе   103,5%-ға, қой-ешкі – 290 841 бас­қа, жылқы – 11329 басқа немесе 100,7%-ға, түйе – 10815 бас 100% -ды құрап, құстар саны –16008  болып 103,4 %-ға өскен. Өт­кен жылмен салыстырғанда, ет өндіру – 5672,1 тонна (100,7 %), сүт – 7129,8 тонна (102,8 %), жұмыртқа 1364,5 данаға немесе 100,4 %-ға өскен.  Мал шаруашылығын дамыту бағытында «Сыбаға», «Алтын асық», «Құлан» бағдарламалары нәтижелі жүзеге асырылуда. Ал мал бордақылау алаң­дарын және жанұялық сүт фермасын ашу үшін 2016 жылы аудан бойынша барлығы 116 млн. 300 мың теңге несие алынды. Қыземшек кент округінен «Кең дала» АӨК құрылып, кіші мал сою алаңы мен 370 тоннаға дейін ет өңдеу цехы іске қосылған. Сонымен қатар, Шолаққорған ауылдық округінен «Аруана» АӨК құры­лып, түйе сүтін өңдейтін қымыран цехын ашу бағытында жұмыстар жүргізілуде.

«Жасыл экономикаға» көшу жөніндегі тұжырымдама, 2030 жылға қарай егіс ал­қап­тарының 15 пайызы суды үнемдеу технологияларына көшіру Елбасы Жолдауына сәйкес қабылданған болатын. Егістікке тамшылатып суару технологиясын енгізу межесін орындау мақсатында «Созақ сәулет» МКҚК арқылы аудан бойынша 56  га. жерге тамшылатып суару әдісі ендіріліп, «Жасыл желек» бағдарламасы негізінде декоративті бау егілді. Аудан бойынша 13007 гектар егістік жер игеріліп,  бұл жөнінде белгіленген меже 105 пайызға орындалған. Үй іргелік 1577 гектар жерді игеру тапсырмасы толығымен орындалған. Аудан әкімдігі баспасөз қызметінің хабарлауынша, егін шаруашылығы саласын дамыту мақсатында көктемгі және күзгі дала жұмыстарына мемлекет тарапынан 455 тонна жеңілдетілген жанар-жағар май бөлініп, аудан агроқұрылымдары осы бөлінген жанар-жағар майды толығымен ал­ған.  Суармалы жер көлемін ұлғайту тап­сырмасын орындау мақсатында 2015 жылдан құрылысы өтпелі болған «Біресек» су қоймасы салынуда. Келер жылы толық қуатымен жүзеге асатын жобада 50 адам тұрақты жұмыспен қамтылады деп кү­тілуде.

Ауданда шағын және орта бизнестің дамуына  жағдай жасалуда, 3110 кәсіп­керлік субъектінің 195-і соңғы алты айда ашыл­ған. Кәсіпкерлік саласында алғашқы жар­тыжылдықта 6 млрд. 171 млн. теңгенің өні­мі өндірілген. Орта және шағын биз­несті дамытудың локомативі ретінде индустриалды аймақта «UKO-S-Star» Металл құрастыру зауыты» ЖШС, «Благо Лизинг НПЗ» ЖШС, «Дархан-Ас» ӨК ас тұзын өндіру зауыты  және «Сырлы Созақ» ЖШС-нің «Полимер қалдықтарын  қайта өңдеу, төменгі қысымға арналған поли-этилен құбырын шығару» жобасы іске қосылып, жұмыс жасауда. Оларда 104 адам тұрақты жұмыспен қамтылған. Оған қосымша, «КазХимПромРеагент» ЖШС-нің «Ион алмасу шайырлар өндірісі» жобасын іске асыру жоспарлануда. Жоба құ­ны 9,9 млрд. теңге. Қуаттылығы жылына 5 мың тонна шайыр өндіру жобасын келесі жылы іске қосу жоспарланған, 80 адам тұрақты жұмыспен қамтылатын болады. Сондай-ақ, келесі жылы «Теріс­кей» ЖШС-нің «Асыл металл өндіру жобасын» іске қосу арқылы  400 адам тұрақты жұмысқа тартылмақ. Одан бөлек, биыл қараша айында  құны 83 млн. теңгені құ­райтын 1 жобаны іске қосу жоспарлануда. Ал  «Тағай Ата» ЖШС-нің «Ас тұзын, мал азықтық тұз және техникалық тұз өндіру» жобасы іске қосылса, 20 адам тұрақты жұ­мыс­қа тартылатын болады. Қазіргі уақытта құрылысы жүргізілуде. Сондай-ақ, қараша айында коммуналдық 50 тұрғын үй пай­далануға берілмек. 2016 жылдың 6 айында жалпы  алаңы 11 801 шаршы метрді құрай­тын 98 тұрғын үй пайдалануға берілді.

Тәуелсіздіктің ширек ғасырлық мерейтойын Қазақстан әлеуетті, айбарлы мемлекет ретінде қарсы алғалы отыр. Мұның барлығы Елбасының алға қойған биік мақсаттарының, халқымыздың ауызбір­шілі­гі мен еңбекқорлығының арқасында қол жеткізген ортақ табыс. Бірлік пен еңбектің алмайтын асуы жоқ. Яғни алға қойылған мақсаттардың жемісті орындалуына оңтүстік жұртының қосар үлесі мен мүмкіндігі әлі де зор.

Диас НҰРКЕНҰЛЫ.
Оңтүстік Қазақстан облысы.

 

 

ПІКІР ҚОСУ