Ақпан айының 4 күні Қазақстан Жазушылар одағы Басқармасы жанындағы Балалар әдебиеті кеңесінің кезекті отырысы болып өтті.
Отырыстың күн тәртібінде өткен жыл­дың аяғында бекітілген жоспар бойын­ша қазіргі балалар әдебиетіне қатысты мәселелер талқыланды. Соның ішінде, ең бастысы – балалар әдебиетінің қазіргі ахуалы жөнінде арнайы конференция ұйым­дастыру керегі айтылып, оның қандай
форматта өткізілетіні жөнінде тиісті ше­шім қабылданды. Сондай-ақ бала­лар қаламгерлерінің мүшел тойын өткізу, оның ішінде, өмірден өткен тұлғаларымызды еске алуға байланысты іс-шаралар ұйымдастыру жайына баса назар аударылды. Сонымен бірге жаңа шығармаларды талқылап, кейбір орынсыз айтылып жүрген пікірлерге байланысты ойларды ортаға салып отыру керегі және балалар қаламгерлерінің жаңа туындыларын сыйлыққа ұсыну мәселелері қаралды. Отырыс жұмысын кеңестің төрағасы
Нұрдәулет Ақыш қорытындылады.
Оқырмандарымыз үшін Жазушылар ода­ғы басқармасы жанындағы жанрлық кеңестердің қай-қайсысы да қоғамдық не­гізде жұмыс істейтін шағын ұйымдар еке­нін айта кетпекпіз.