Астанадағы «Фолиант» баспасынан жазушы Дәулетбек Қаңбақовтың «Қазақ ханы Абылай» атты жаңа кітабы  жарық көрді. 

Бұл кітапта қазақтың маңдайына біткен айбарлы ханы, аса көрнекті мемлекет қайраткері – Абылай ханның соқтықпалы соқпақты, аптықпалы аптапты өмір жолы баяндалады.

Не бір тар жол, тайғақ кешуді бастан кешкен ұлттың ұлы перзентінің тағдырының тарғыл жолы мен даңғыл жолы  қатар суреттеле отырып, қараша халқының қамын жеген нар тұлғаның игілікті істері, қарымды қадамы, парасат пен бағамы терең ашылған.