26 наурыз күні ҚР Ұлт­тық кітапханасының Н.Дәулетова атындағы залында Қазақстан Жазушылар одағы Сатира кеңесінің төрағасы, белгілі сатирик-жазушы Ермахан Шайхыұлының «Сатира сарқыты», түрік тілінде жарық көрген «Әйелім базарда» және балаларға арналған «Медина мәзірі» ат­ты үш бірдей кітабының таныстырылымы өт­ті
Қазақстанның еңбек сіңірген қайраткері, профессор, Халықаралық «Алаш» әдеби сыйлығының лауреа­ты, Қазақстан Жазушылар одағы Басқармасының хатшысы Қансейіт Әбдезұлының модераторлығымен өткен әсерлі кеште Жазушылар одағы Басқарма төрағасының орынбасары, ақын Қасымхан Бегманов Қазақстан Жазушылар одағы Басқармасының атынан құт­тықтау сөз сөйлеп,  сатирик-жазушы Ермахан Шайхыұлының шығармашылық еңбегіне сәт­тілік тіледі.
Қазақстан Жазу­шы­лар одағы басқарма төрағасының орынбасары, филология ғылымдарының докторы, ақын Бауыржан Жақып пен белгілі ақын-жазушылар Нұрдәулет Ақыш, Кәкен Қамзин, Жұмаш Кенебай, Болат Шарахымбай, Көлбай Адырбек, Сәкен Сыбанбай, Дүйсен Мағлұмов, Болатбек Төлепберген, Гүлзейнеп Сәдірқызы, профессор Айгүл Рамазан өз құт­тықтауында сатирик-жазушы хақындағы жүрекжарды сөздерін айтып, тілектерін жеткізді.