Таяуда Қазақ Ұлттық Аграрлық университетінде  «Жыр алыбы – Жамбыл»  атты әдеби-сазды  кеш өтті.

Университет  ректоры,  академик  Ті­лек­тес Есполовтың құттықтау сөзімен ашылған мәдени шараға  «Қазақ  әде­бие­ті» газетінің бас  редакторы, жазушы Жұ­мабай Шаштайұлы, М.Әуезов атын­дағы Әдебиет және өнер инсти­ту­ты­ның ди­ректоры,  жазушы-публицист Уәли­хан Қалижан,  ҚазҰПУ профессоры, әде­­биет­танушы ғалым Темірхан  Тебегенов, Медеу ауданы  әкімінің  орынбасары   Ғани Майлыбаев, жыршы-термеші, Ж.Жа­баевтың шөбересі Бекмұрат Жамбыл, Жамбыл атындағы Қазақ  мемле­кет­­тік филармония директоры, жыршы-тер­­меші Ақан Әбдуәли сынды ұлт ру­­­хания­тының белгілі өкілдері қа­тысты.

Жиын Жамбыл өмірі мен шығарма­шы­лығынан сыр шертетін театрланды­рыл­ған көрініспен басталды. Шара бары­сында  ақынның  жырлары  оқылып, ай­тыстарынан  үзінділер ұсынылып, ҚазҰАУ телестудиясы әзірлеген деректі фильм көрсетілді.

Кешті  қорытындылаған университет ректоры Жамбылдың ұрпағы, жазушы  Жұмабай Шаштайұлын «Аграрлық білім мен ғылымды  өркендетуге қосқан айрықша еңбегі үшін» медалімен жә­не­оқу орнының 85 жылдығына орай шы­ға­рылған мерейтойлық Алтын медалі­мен марапаттады. Сонымен қатар,  аталмыш оқу орнының рухани тыныс-тіршілігіне атсалысып жүрген «Егемен Қазақстан» газетінің  тілшісі, журналист  Гүлзейнеп  Сәдірқызы, Жамбылдың шө­бе­ресі Бекмұрат Жамбыл мен Жамбыл атындағы Қазақ мемлекеттік филармония  директоры,  жыршы-термеші Ақан Әбдуәли мерейтойлық Алтын медальмен  марапатталды.