Таяуда Алматы қаласы ОКЖ-нің №4 кітапханасында  көрнекті қаламгер Бексұлтан Нұржеке-ұлының туғанына 75 жыл толған мерейтойына арналған «Көркемсөз патшалығының Хас шебері» атты әдеби-сазды кітапханалық бенефис өтті.

Мәдени шараға жазушының қаламгер әріп­­­тес­тері жазушы  Кәдірбек Сегізбаев, ақын, аудармашы, көсемсөзші Қуанышбай Құр­­ман­ғали қатысып, мерейтой иесінің өне­гелі өмір жолы мен шығармашылығы жайлы ой бөліс­ті.
Жиын барысында «Сырлы сезім суреткері» атты кітап жаймасы  ұйымдастырылды.
Қаламгердің замандасы Қуанышбай Құр­ман­ғали өз өнерін өзгелерге мойындата білген қарымды қаламгердің шығармалары­ның маз­мұ­нына терең тоқталып, саралап өтті. Мұқа­ғали Мақатаев атындағы №140 мектеп-гимна­зия­сының оқушылары мен жоғары  оқу орын­да­рының студенттері жазушының  шы­ғар­машылығы бойынша «Сиқырлы сезімдер симфониясы» атты әде­би-сазды композициясын ұсынып, көрер­мендердің ыстық ықыла­сына бөленді.  Алматы университетінің 3 курс студенті Та­ры­­бай Ботакөз  жазушыға осы мәдени шара аясында шығарған өзінің арнауын оқып, жырдан шашу шашты.
Сондай-ақ, Чайковский атындағы музы­ка­лық  колледждің,  Алматы  университетінің, Алматы Полиграфиялық колледжінің дарынды өнерпаздары­ мерей­той иесінің құр­метіне лирикалық әсем әндер орындап, кеш мерейін үстем етті.