ӨНЕР АДАМДАРЫ МИНИСТРМЕН КЕЗДЕСТІ
22.02.2016
1152
0

АрыстанбекЖуырда Алматыдағы «Достық үйінде» ҚР Мәдениет және спорт министрі Арыстанбек Мұхамедиұлы  өнер адамдарымен кездесіп, қоғамдағы өзекті мәселелерді талқылады.

 

Министр: «Биыл еліміздің тәуелсіздігіне 25 жыл толады. Осыған орай, Мәдениет және спорт министрлігі  Президент әкімшілігімен бірлесе отырып,  жоспар әзірледі. Ондағы басты мақсат – Тәуелсіздігімізді жыл бойына лайықты деңгейде атап өту. Қазір осы орайда түрлі шаралар жүзеге асырыла бастады», – деді. Сонымен қатар, министр  1 наурызды – Алғыс айту күні  ретінде кең көлемде атап өту қажеттігін ескертті.

«Күні кеше Қазақстан халқы Ассамблеясы туралы заң қабылданды. Осы заң аясында 1 наурыз тұңғыш рет Алғыс күні ретінде аталады. Қазақстан халқы Ассамблеясы ұлтаралық татулықтың символы ретінде бүкіл әлемге танымал болуда. Бұл – біз үшін үлкен мақтаныш. Көптеген елдер осы бағытта Қазақстанның тәжірибесін зерттеп жатыр. Сондықтан 1 наурыз  Қазақстан халқы үшін өте маңызды күн болмақ.  Ұлы Дала елі атану жолындағы тағы бір маңызды қадам», – деді А. Мұхамедиұлы. Кездесуге қатысушылар   Ұлт жоспарының негізгі бағыттарын сапалы және дер кезінде орындау Қазақстанның жан-жақты өркендеу­дің жаңа кезеңіне өтуіне жол ашатынын айтты.

ПІКІР ҚОСУ

Ваш адрес email не будет опубликован.

Пікір