ДАРА ДАРЫН
12.02.2016
1267
0

МедеуАдам ғұмыры ұзақтығымен емес, мазмұнымен өлшенеді. Сөзімен емес, тындырған ісімен танылып, саналы ғұмыр кешкен адамды қазақ «Ақсақал» деп зор құрметке бөлеген. Қ.Сәтбаев, Е.Бөкетов және Е.Бекмахановтай қазақтың маңдайына біткен нар тұлғалардың өмір жолын зерттеуге, ел тарихын қайтаруға жарты ғасыр ғұмырын арнаған жазушы, драматург, «Құрмет» орденінің иегері, Шығыс Қазақстан және Семей университеттерінің Құрметті профессоры, Халықаралық ақпараттандыру академиясы мен Тарих және қоғамдық ғылымдар академияларының толық мүшесі, Абыралы және Баянауыл ауданының Құрметті азаматы Медеу Cәрсеке де осындай сүйіспеншілікке ие болып отыр.

Семей облыстық тарихи өл­ке­тану му­зейінде Медеу Сәрсекенің ту­­ға­нына 80 жыл толуына орай  «Дара да­рын» атты кез­десу кеші өтті. Музей  ди­ректоры Б.Теміров  жазушы еңбек­те­рінің тәр­бие­лік мәніне тоқталып, шы­ғар­машылығын сөз етті. Жазушының қа­лам­герлік ла­бо­ра­тория­сы жайлы фи­ло­логия ғылымда­ры­ның докторы,  профессор А.Еспенбетов, т.ғ.к. А.Рахметуллин баяндама жасады.  Жиын бары­сында ақын­дар Д.Омар­баева, Т.Әбдікәкімов кеш иесіне ар­нау айтса, Семейдің Ә.Қа­шау­баев атын­дағы филармониясы және қа­ла­лық мә­дениет сарайының өнер­паз­дары жиналған жұртшылықты ән мен күйге  бөледі.

 

ПІКІР ҚОСУ