Түркістан қаласында «Әділет­ті Қазақстан – Адал азамат» тақырыбында өткен Ұлт­тық Құрылтайдың отырысында еліміздің әрбір аймағынан арнайы келген делегат­тар ұлт келешегі үшін өзекті мәселелерді талқылады.

Жиында Президентіміз Қасым-Жо­март Тоқаев жиналған қауым алдында сөз сөйлеп, ел дамуының бағыт-бағдарын айқындайтын ой-толғамдары мен керемет ұсыныстарын ортаға салды. Мемлекет басшысының мектептегі бала тәрбиесі туралы ойлары әр ата-анаға, мұғалім мен оқушыға ой салатыны хақ. Жалпы еліміздің болашағы балаларға арналған оқулықтар оларға берілетін тәрбие жайында Президент көңілге қонарлықтай жақсы ой өрбіт­ті. Және ол өте дұрыс айт­ты, Жаңа Қазақстанның болашағы қазір мектеп партасында отыр, соларға нақты білім мен тәрбиені бүгінгі аталары мен әжелері болған біз беруіміз керек.
Жасыратыны жоқ, бізде ел мүддесін­дегі ірі мәселелер дұрыс шешілмесе не­месе реформалардың жүзеге асуын­да олқылықтар байқалса, кінәні дереу жоғарыда отырған министр шенеунік­терге артамыз. Ал бұл үдеріске азамат ретінде әрбіріміз өз үлесімізді қосуымыз керектігі жайлы ұмытып қаламыз. Яғни қоғамды түбегейлі өзгертудің кілті тікелей өзіміздің санамызға байланысты екендігін ескере бермейміз. Президент айтқандай, Әділет­ті Қазақстан құру үшін әр азамат­тың саяси да, ұлт­тық та, әлеумет­тік те сана-сезімі жаңғыруы қажет. Халқымыздың дүниетанымы және өмірлік ұстанымдары жаңаша өзгеруге тиіс. Әйтпесе, әрқандай реформаның бәрі бекер. Мемлекет басшысы салмақты ұсыныстардың алдағы жұмыс кезінде міндет­ті түрде ескерілетінін айт­ты. Президент әсіресе көп ұлт­ты қазақ әдебиетінің даму жолдарына, балалар әдебиетіне көп көңіл бөлді.
Қазақ әдебиеті дегенімізде оның қарамағында 22 ұйғыр ақын-жазушысы бар. Міне, сол ұйғыр әдебиетінің белді өкілдерімен жақында Қазақстан Жазушылар одағының төрағасы Мереке Құлкенов кездесіп, ұйғыр әдебиетін дамыту мен қолдаудың өзекті мәселелерін талқылады. Төраға дарынды қаламгерлерді қолдау қажет­тігін айтып, ұйғыр тілінде «Жұлдыз», «Простор» сияқты әдеби журнал, қысқасы, бұдан отыз жыл бұрын шығып, тоқтап қалған «Арзу» журналын шығаруды ұсынды.
Сөз соңында айтарым: Біз яғни қаламгерлер қауымы Құрылтайда айтылған салмақты, маңызды пікір-ұсыныстарды ескеріп, Әділет­ті Қазақстан құру жолындағы сенімді қадамымызды әрі қарай жалғастыруымыз қажет. Ол менің, сенің, оның кешіктермей қолға алатын жұмысымыз.

Авут МӘСІМОВ,
жазушы