Қаламгер Ораз Қауғабайдың әйгілі әз-Әлмерек эссе-баянында тың деректер мен тылсым оқиғалар ой елегінен өтеді.

Сондай-ақ, әз-Тәуке хан тұсында бір аймақтың ақылгөй, данагөй және би-әу­лие атанған Әлмеректің басына бала кезінде келіп, кәусар бұлағынан су ішкен, осы маңда көп жүрген Дінмұхамед Қонаев­тың ерекше қасиеттеріне қатысты жұрт біле бермейтін тосын оқиғалар баяндалады. Әлмеректің шөпшегі, 1758 жылы Қытайға елшілікке барғанда топ ішіндегі тұлғасын Италия суретшісі салған, батыр-сардар, аты аңызға айналған Мұсылманбайға қатысты өте құнды деректер айтылады.