«Жас ұстаз: табысқа апарар жол» форумы: сандық мұғалімге арналған замануи трендтер
![](https://qazaqadebieti.kz/wp-content/uploads/2022/11/IMG-20221102-WA0001-300x200.jpg)
Алматылық химия-биология бағытындағы NIS-те аймақтың жас педагогтардың басын қосқан «Жас ұстаз: табысқа апарар жол» форумы өтті.
Айтулы шара тамызда «Назарбаев Зияткерлік мектептері» ДББҰ төрайымы Күләш Шамшидинованың бастамасымен өткен республикалық «Жас ұстаз: табысқа апарар жол» форумының заңды жалғасы болып табылады.
![](https://qazaqadebieti.kz/wp-content/uploads/2022/11/IMG-20221102-WA0003-300x225.jpg)
130 жас оқытушы жиналған алаңда қатысушылардың біліктілігін арттыруға бағытталған бірқатар тренингтер, семинарлар өткізу көзделді.
![](https://qazaqadebieti.kz/wp-content/uploads/2022/11/IMG-20221101-WA0042-300x200.jpg)
Сабақ конструкторын құрастыруға түрлі тиімді жолдары бар екенін жас ұстаздарға NIS педагогикалық шеберлік орталығының тренері Аcхат Алимов форумның арнайы сессиясында талқылады. Жарты сағатқа акт залы ойын зонасына айналып, түрлі-түсті legoконструкторлар арқылы мұғалімдер сабақты қалай жинақтауды көрсете бастады.
![](https://qazaqadebieti.kz/wp-content/uploads/2022/11/IMG-20221102-WA0004-300x200.jpg)
Форумның тақырыптық алаңдарында оқытушылар функционалдық сауаттылықтың маңызына тоқталып, осы тұрғыда кездесетін тапшылықты толықтыратын жолдарын іздеді.
![](https://qazaqadebieti.kz/wp-content/uploads/2022/11/IMG-20221101-WA0041-300x200.jpg)
Оқыту шеберханасында ПШО тренері Ғалия Толықбаева жанама тәжірибеден өз іс-әркеттерге жету жолдарының исайттарымен бөлісіп, соңында қатысушылар презентация арқылы өз ойларын жеткізді.
![](https://qazaqadebieti.kz/wp-content/uploads/2022/11/IMG-20221102-WA0002-300x225.jpg)
«Оқытуда АКТ-ны тиімді қолдану» сессиясында жас ұстаздар оқыту барысында көмекке келетін түрлі сандық платформалармен танысып, тренер Бағдагуль Сайфоллақызыға алғыстарын білдірді.
![](https://qazaqadebieti.kz/wp-content/uploads/2022/11/IMG-20221102-WA0005-300x200.jpg)
Форумның екінші жартысында үздік жас мұғалімдер өз тәжірибелерінен шеберлік сағаттарын өткізді.
Алғашқы аймақтық жас педагогтар форумын алматылық химия-биология бағытындағы Зияткерлік мектебі тәрбие жұмысы мен қосымша білім беру кейстерінен дайындаған “Пайдалы динамикалық үзіліс” аяқтады