---

Суретші еңбегінің төменгі бөлігіне назар аударар болсақ, азаматтың жан азабына түсіп жатқан сәті жүректі ауыртпай қоймайды. Тәуелсіздікті аң­саған қазақ ұланына жасалып жатқан айуандық осы туындыдан орын тапқан. Туынды авторы сол жақ­тан жарық беру арқылы қою қызыл түске ба­сым­дық бере отырып, ондағы кейіпкерлердің бет-әл­петіне, оның ішінде басты кейіпкер жүзіне сары түс түсірген. Автор осы еңбегінде кереғар түсті қол­­дана отырып, ондағы қантөгісті одан әрі ай­қындай түсу үшін суреттің астыңғы бө­лігіне қара түсті көп берген. Бұл туынды жайлы автордың өзі бір сұхбатында: «Менің бұл туындыны бей­не­ле­меуіме негіз жоқ, мен осы елдің азаматымын, сол себепті бұл тарихты елемей өтуім әділетсіздік бо­лар еді, мейлі ол Арал мәселесі болсын, мейлі «Не­вада-Семей» қозға­лысы болсын, бұл оқиғаларға ар­наған еңбектерім бар!» – деген екен.

В.Сидоркиннің замандасы Айдархан Сихаев­тың «Көтеріліс» атты еңбегі де Желтоқсан көте­рі­лі­сіне ар­налған. Өзге туындыдан ерекшелігін айтар бол­сақ, туынды негізі контраст түстерден құралған. Нақ­тырақ айтар болсақ, ақ және қара түс. Назар аударған жанға, оқиға ортасындағы қараша ха­лық­тың ашық түспен ерекшеленгені бірден көзге тү­седі. Ақ түс – халық даналығы бойынша әділдікке, жақ­сылық ұғымдарына сәйкес келеді. Картинаның жо­ғары бөлігінде періштелер бейнеленген. Бұл кө­терілісте халықтың өз елінде әділдік орнауын, одан басқа өзге арам пиғылдың жоғын дәл осы періш­телер бейнесі дәлелдеп тұрғандай. Бір сөзбен айт­сақ, автор халықтың ақ ниетін бейнелеуге құл­шынған. Автор желтоқсан оқиғасының негізгі кейіп­кері Горбачевты анық әрі айқын бейне етіп көр­сеткен. Сюжетке үңіліп қарамасақ та оның оқиға ор­нынан қашып бара жатқаны айқын.

Тоталитарлық жүйенің кісенін үзген желтоқсан­шы­ларды ел есінде мәңгілікке қалдыру жолында тер төккен суретші А.Сихаев бұл тақырыпта 20­ жыл­­ға жуық уа­қыт бойы қазақтың ұлттық дәс­түрін сақ­тау үшін атсалысатын «Аруақ» қоғамдық ұйы­мына жетекшілік етіп келеді. Оның Қазақстанның Тәуел­сіздік үшін күресі мен қайта құру жылдары сияқ­ты қиын шақтарын бейнелейтін тағы бір «Қа­сыңда болғым келеді» атты көркем туындысы да бар.