«Қазақ әдебиеті» vs «Пруст сауалнамасы»

Сауалнама қонағы – ақын Бағдат МҮБӘРАК

 

– Адамның басты қасиеті не деп ойлайсыз?

 – Мейірімді болу.

 – Ер-азаматтың басты қасиеті ше?

 – Ғайбат сөйлемеу.

– Бақыт деген ұғымды қалай түсінесіз?

– Бір сәттік қуаныш. Бар болғаны сол.

– Сүйікті әдеби кейіпкеріңіз кім?

– Қайсыбірін айтайын…

– Ең басты кемшілігіңіз қандай?

– Тәуекелге бара бермеймін. Соның кесірінен көп мүмкіндікті жіберіп алдым.

– Бос уақытыңызда немен айналысасыз?

– Бір нәрсемен тұрақты айналыспаймын.

– Өмірге екінші рет келсеңіз, кім болуды қалар едіңіз?

– Білмедім.

– Қандай елде өмір сүргіңіз келеді?

– Уақытша Еуропаға кетіп қалғым келеді. Қазақстанда әрбір екінші адам депрессиямен өмір сүретін сияқты.

– Қандай ерекше қабілетке ие болуды қалайсыз?

– Осы сезімталдығым бір басыма жетеді.

– Қандай сәттерде осалдық танытасыз?

– Әрине, шешуші сәттерде.

– «Ғайыпқа сену» дегенді қалай түсінесіз?

– Құдай мен анамнан басқа ешкімге сене қоймаймын.

– Егер өнертапқыш болсаңыз, не нәрсені ойлап табар едіңіз?

– Білмеймін, миыма кіріп шықпайды.

– Неден жиіркенесіз?

– Өлермендіктен.

– Сіз үшін ең ұнамсыз тарихи тұлға кім?

– Сталин.

– Жиі айтатын қанатты сөзіңіз?

– «Сабыр түбі сары алтын».

– Көзіңізге жиі жас аласыз ба?

– Оңашада, иә

– Үнемі есіңізде жүретін Абайдың бір сөзі?

– «Қары қалың қатты қыстың соңынан, көгі шалғын көктем келерін ұмытпа…»

– Қазіргі адамдардың бойынан қандай қасиеттер жоғалып барады?

– Ізгілік пен мейірімділік.

–Біздің заманымыздың мықты ақыны кім? Мықты жазушысы ше?

– Мен қайдан білейін!

– Жас қаламгерлердің бойынан қандай артықшылықтар мен кемшіліктерді көріп жүрсіз?

– Ешкімді тыңдағысы келмейді. Артықшылығы да, кемшілігі де сол.