«Пруст сауалнамасы vs «Қазақ әдебиеті»

Арман Қани, ақын

– Адамның басты қасиеті не деп ойлайсыз?

– Адамгершілік.

– Ер азаматтың басты қасиеті ше?

– Азаматтық.

– Бақыт деген ұғымды қалай түсінесіз?

– Арманыңа қол жеткізу.

– Сүйікті әдеби кейіпкеріңіз кім?

–  Кенесары хан.

– Ең басты кемшілігіңіз не?

– Кекшілдік.

– Бос уақытыңызда немен айналысасыз?

– Интернеттегі жарияланымдары оқып зерделеу.

– Өмірге екінші рет келсеңіз, кім болуды қалар едіңіз?

– Күрескер  ақын.

– Қандай елде өмір сүргіңіз келеді?

–  Қазақтілді демократиялық  Қазақстанда.

–  Қандай ерекше қабілетке ие болғыңыз келеді?

– Сазгерлік.

– Қандай сәттерде осалдық танытасыз?

–       Марқұм ұлымды еске алған сәттерімде.

–       «Ғайыпқа сену» дегенді қалай түсінесіз?

–       Алланың құдіретіне сену.

–       Егер өнертапқыш болсаңыз, не нәрсені ойлап табар едіңіз?

–       Велосипедтен басқа бірдеңе…

–       Не нәрседен жиіркенесіз?

– Сатқындық.

– Сіз үшін ең ұнамсыз тарихи тұлға кім?

– Голощекин және сол секілді большевиктер.

– Жиі айтатын қанатты сөзіңіз?

– «Жақсыдан – шарапат, жаманнан – кесапат».

–  Көзіңізге жиі жас аласыз ба?

– Кейде.

–  Үнемі есіңізде жүретін Абайдың бір сөзі…

– «Біріңді қазақ, бірің дос, көрмесең – істің бәрі бос».

–  Қазіргі адамдардың бойынан қандай қасиеттер жоғалып барады?

– Қайырымдылық.

–  Біздің заманымыздың мықты ақыны кім? Мықты жазушысы ше?

– Мықты ақыны – Олжас Сүлейменов,  мықты жазушылар аз емес.

– Жас қаламгерлердің бойынан қандай артықшылықтар мен кемшіліктерді көріп жүрсіз?

– Артықшылығы – батылдығы, кемшілігі – мақтангөйлігі.