Мұражай ашылды
Жуырда Қазақ Ұлттық аграрлық университетінің 85 жылдығы аясында еліміздің білім мен ғылымының дамуына айрықша үлес қосқан көрнекті ғалым, ұстаз, техника ғылымдарының докторы, профессор, Қазақстан су шаруашылығының білгірі, Қазақ КСР-нің еңбек сіңірген ғылым қайраткері Лашқар Есенқұлұлының туғанына 100 жыл толуына орай Лашқар Тәжібаев мұражайының салтанатты ашылу рәсімі мен ғалымды еске алуға арналған шара өтті.
Мұражайдың ашылуына еліміздегі аграрлық саланың ғалымдары, ауыл шаруашылығымен айналысатын компаниялар әкімшілігі мен ғылыми-зерттеу институттарының басшылары, шаруашылық жетекшілері, өзге де білікті мамандар, ҚазҰАУ оқытушы-профессорлары мен ғалымның туыстары қатысты.
Салтанатты жиынды құттықтау сөзбен ашқан университет ректоры, академик Т.И.Есполов Лашқар Есенқұлұлының өмір жолы мен еңбегі жайында терең сөз қозғады.
Мұражайды ашудағы мақсат – Лашқар Есенқұлұлы сынды тұлғалы ғалымдарымыздың ардақты есімі мен терең ғылыми еңбектерін кейінгі ұрпаққа үлгі етіп, жастарды ғылымға ынталандыру.