Жақында Жәңгір хан атындағы Батыс Қазақ­стан аграрлық-техникалық университетінде «Ұшқын» студент­тік театры өз жұмысын бастады. Аталған жоғары оқу орнындағы «Мәдениет және өнер» студиясының бастамасымен ашылған бұл студент­тік театр «Алғашқы махаббат» ат­ты шағын қойылымды сахналады. Режиссері – Руслан Кенесарин.
Премьераға Х.Бөкеева атындағы облыстық қазақ драма театрының әртістері Самал Әбуов пен Эльмира Мақашева, Орал қаласындағы Жастар мәдениет сарайының әдіскері Мергүл Джакупова, «Атамекен» өнер ордасының концерт­тік режиссері Еркін Қали және университет­тің оқытушы-профессорлар құрамы, студент­тер қатысты.
Қойылымда Ораз, Әйгерім есімді кейіпкерлердің бір-біріне деген сезімі сурет­теліп, балалық шақты, оқушылық кезеңнің ұмытылмас сәт­терін еске түсіреді. Көрермен қолдап-қошемет­теп ризашылығын білдірсе, өнер иелері жоғары баға берді.
Қойылым соңында университет­тің тәрбие және әлеумет­тік жұмыстар жөніндегі проректоры Ақылбек Сұлтанов сөз алып, жас театр ұжымына сәт­тілік тіледі. Оған қоса студент­тік театр ұжымының қатары талант­ты жастармен толығып, олардың арасынан болашақта дарынды актерлер шығатынына сенім білдірді.
– Театр – өмір айнасы. Өңіріміздегі іргелі оқу орнында осындай студент­тік театрдың ашылғанына қуанып тұрмыз. Жаңа қойылымның режиссері Руслан Әділұлы – менің шәкіртім, кәсіби маман. Осындай маманның айналасына топтасқан өнерлі жастарға сәт­тілік тілейміз, – деді актер, режиссер Самал Қадерұлы.
Өз кезегінде актриса, аудармашы Эльмира Жұмажанқызы театр өнері жайында сөз сабақтады. Басқа да меймандар студент­тік театрдың ашылуына қолдау көрсеткен университет басшылығына алғыс айтып, «ұшқындықтардың» үлкен сахналардан көрінуіне тілектестік таныт­ты.

Ләззат ҚАЖЫМОВА,
БҚАТУ медиа орталығының директоры