«Нұр Отан» қаламгер қауымы үшін байқаулар ұйымдастырады
15.10.2018
281
0

Қазанның 9-ы күні «Нұр Отан» партиясы Төрағасының Бірінші орынбасары Мәулен Әшімбаев Қазақстан Жазушылар одағы Басқармасының төрағасы, ақын Ұлықбек Есдәулетпен және Қазақстан Жазушылар одағының мүшелері, жазушылар Төлен Әбдік, Алдан Смайылмен, еліміздің бірқатар зиялы қауым өкілдерімен кездесті. Басқосуда «Нұр Отан» партиясы мен Қазақстан Жазушылар одағы өзара Ынтымақтастық туралы меморандумға қол қойды.

Бұл шара Елбасы жолдауында көрсетілген «Рухани жаңғыру» бағдарламасын әрі қарай жалғас­тырып, насихаттауға арналды. Мем­­лекет басшысының тапсыр­ма­сымен «Нұр Отан» партиясы ақын-жазушыларға, мәдениет жә­не өнер саласының қайраткер­ле­ріне қолдау көрсетіп келеді. Енді оларды ынталандыру мақсатында одақтың 4 жобасын қаржыландыр­мақ. Яғни, қаламгер қауым үшін түрлі байқаулар ұйымдасты­рыла­ды. Бұл жөнінде партия Төрағасы­ның Бірінші орынбасары былай деді: «Партия жас ақын-жазу­шы­лар­­ды ынталандыру мақсатында «Рухани жаңғыру» бағдарламасы аясында әдеби байқау өткізбек. Со­ның нәтижесінде 5 номинация бойынша 15 қатысушыға жүлде тапсыруды көздеп отырмыз. Сондай-ақ, Жазушылар одағымен бірлесіп, «Астана» телеарнасынан көрсетілетін арнайы телебағдарла­ма дайындау ісін қолға алмақпыз. Бұл тележоба форматы мен маз­мұны жағынан ақын-жазу­шы­лары­мыздың заманға лайық жаңа мінбері болмақ. Үшінші жоба – YouTube-те арнайы арна ашып, кө­рермендерге идеологиялық, тәр­биелік сипаттағы көркем дүниелер ұсыну. Ал төртінші жоба – партиялық бастамалар аясында қайта жаңғыртылған кітап­ханаларда ақын-жазушылармен кездесулер, түрлі шығармашылық кештер өткізетін арнайы клубтар құру. Мұның барлығы – рухани жаңғырудың құндылықтарын дәріптеп, елді ортақ мүддеге ұйы­ту­ға бағытталған бастамалар». Басқосуда Елбасы Жолдауындағы басымдықтар, оларды халыққа тү­сін­діру бойынша бірлескен жұ­мыс бағыттары, бүгінгі әдебиеті­міз­дің ахуалы, жас ақын-жазу­шы­лар­ға қолдау көрсету сияқты мәселелер де сөз етілді.

ПІКІР ҚОСУ

Ваш e-mail не будет опубликован.

Пікір