ҚАЗАҚ БЕЙНЕЛЕУ ӨНЕРІ – ӘЛЕМ НАЗАРЫНДА
21.09.2018
274
0

Еліміздің тарихында алғаш рет ҚР Мәдениет және спорт министр­лі­гінің қолдауымен ҚР Ұлттық мұра­жайы ұйымдастырған «Фокус Қа­зақстан» жобасы аясында қазақ бей­нелеу өнері әлем назарына ұсы­ныл­­мақ.

Онда ХХ ғасырдың 30-жыл­дарынан бастап бүгінгі күнге дейінгі отандық бейнелеу өнеріне шолу жасалады. Көрмелер мен та­қы­рыптық шаралар осы жылдың 18 қыркүйегі мен 2019 жылдың 3 нау­ры­зы аралығында Лондон (Англия), Бер­лин (Германия), Джерси-Сити (АҚШ), Сувон (Оңтүстік Корея) қа­лаларында өтпек. Жоба «Рухани жаң­ғыру» бағдарламасының Қазақ­стан өнерін әлемдік мәдени және зияткерлік кеңістігінде дамытуға ба­ғытталған «Жаһандық әлемдегі зама­науи қазақстандық мәдениет» ар­найы жобасы аясында іске асады. Сонымен 1 маусымнан 30 қыркүйек­ке дейін Бетания (Берлин) суретші­лер үйінің шеберханалары мен сту­дияларында суретшілер өзара тә­­жірибе алмасып, білімдерін же­тіл­діреді. Көрменің басты тақырыптары – қазақстандық қоғамды жаһан­дан­дыру, феминистік қозғалыс, «жер­гілікті модернизм» феномені, көш­пеліліктен кейінгі өнер. Жалпы көрме аясында 80-нен астам сурет­ші­нің шығармалары әлем назарына ұсынылады. Олардың қатарында ал­дыңғы буын суретшілері, қазіргі за­ман суретшілері және Қазақстан ау­мағында болған әрі Қазақстан өне­ріне өз шығармашылығымен үлес қосқан суретшілер бар. «Көш­пе­лілерден кейінгі көкжиек» көрмесі 18 қыркүйек – 16 қазан аралығында Лон­донда өтеді. Қыркүйектің 25-інен қазанның 20-сына дейін Бер­линде өтетін «Нан және раушан гүл­дер» көрмесінде 1945 жылдан бү­гінгі күнге дейінгі қазақстандық әйел суретшілердің жұмыстарына жа­салған зерттеу нәтижелері ұсы­нылады. Ал 14 қазан – 20 қараша ара­лығында Джерси-ситиде өтетін көр­менің тақырыбы – «Ойлар жи­нағы: тарихты ойдан шығару». «Еу­разия қиялы: постскриптум» көрмесі Сувон қаласында осы жылдың 27 қарашасынан келер жыл­дың 3 нау­рызына дейін жалғасады.

ПІКІР ҚОСУ

Ваш e-mail не будет опубликован.

Пікір