«ТҮРКІ ӘЛЕМІНДЕГІ 100 ЖАҢА ЕСІМ»
14.09.2018
524
0

Күні кеше ғана Қырғызстанның Чолпон-Ата қаласында өткен түркітілдес мемлекеттердің ынтымақтастық кеңесінің VІ саммитінде ҚР Президенті Нұрсұлтан Назарбаев ұйымға төрағалық етуді Қырғызстанға табыстады.

Елбасы өз сөзінде: «Біз төраға­лық еткен уақытта ғылыми-ағарту жұмыстарына ерекше назар аудар­дық. Әзірбайжан, Түркия, Қыр­ғыз­стан және Қазақстанның оқу бағдарламаларына «Түркілердің ор­тақ тарихы» деген оқулық енгі­зіл­ді. Түркі академиясы тарих бойын­ша 90-нан астам кітап шы­ғарды. «Аталар ми­расы» порталы ашылып, ол жерге халқымыздың төрт ғасырлық мәдени мұрасы жиналды. «Түрік­баро­метр» әлеу­меттік зерттеу жобасын іске асыру бастал­ды. Мемлекеттер арасында ту­ристік саладағы ынты­мақтас­тықты дамыту мақсатында «Зама­науи Ұлы Жібек жолы» жобасы іске қосылды. Бұл арқылы 14 күн­де бес елдің тарихи маңызы бар әрі киелі жерлерін аралап шығуға бо­ла­ды», – деді. Сондай-ақ, «Түркі әлеміндегі 100 жаңа есім­ді» анық­тауды, осы елдердің қа­сиетті орын­дарын көздің қара­шығындай сақтап, кейінгі ұрпаққа лайықты мұра етіп қалдыру үшін Түркі кеңесінің жанынан «Түркі әлемі­нің киелі жерлері» атты ар­найы жобаны әзірлеуді ұсынды.

ПІКІР ҚОСУ

Ваш e-mail не будет опубликован.

Пікір