Семейлік өлкетанушылар тағы да бір сенсациялық мәлімдеме жасады. Олардың айтуынша, шаһар маңынан табылған адам сүйегі мен оған тиесілі заттар бірнеше мыңжылдық құпияны жасырып жатуы мүмкін.

«Мұқыр аңшысы» деп аталған бұл жәдігердің ерте қола дәуіріне жататындығы жайында болжамдар айтылуда. Бұл қымбат жәдігерді «Прииртышье» өлкетанушылар қоғамының мүшелері мамыр айы­ның соңында Мұқыр өзенінің бойы­нан тапқан болатын. Олар­дың болжамы бойынша «Мұқыр аңшысы» көктем айлары кезінде жардан құлап мерт болған. Соны­мен қатар, адам сүйектерімен бірге жылқының да қаңқалары табыл­ған. Сүйек жатқан жер келесі жыл­ға дейін уақытша қайта көмілді.
Тарих ғылымдарының канди­да­ты Амантай Исин табылған жә­дігерге тоқтала келіп «Бұл адам, ол ғұн-сармат, түркі заманынікі де немесе моңғолдан кейінгі заман­дыкі де болуы мүмкін. Оны анық­тау алдағы зерттеулердің жұмысы. «Мұ­қыр аңшысы» деген атауды қа­­былдап тұрмыз. Өйткені ғылым­да солай, бір ат берілгені жақсы. Себебі ескерткіштер өте көп, қай­сы­сын кісілер жаттап жатады. 10-шы, 20-шы деген сияқты. Одан да осылай нақты болғаны дұрыс. Қайт­кенмен де табылып жатқан бұл жәдігерлердің біздің өлке­міздің тарихына қатысы зор», – деді.