СҮЙЕКТЕГІ СУРЕТ
30.07.2018
982
0

Қазақ мәдениеті, соның ішінде сурет, ойма өнері елімізге ағылып келіп жатқан туристерді таң қалдыруда. Бұл, әрине, өз кезегінде қазақ мәдениетінің шетелдерде насихатталуына да кеңінен жол ашса керек. Сүйекті сөйлетіп, суретке жан бітірген шебер Бектас Кәрімұлының туындылары әлемді мойындатты. Ақмолалық мүсінші АҚШ, Ресей, Өзбекстан, Моңғолия және елімізде өткен түрлі байқаулардың жеңімпазы.


Суретші, мүсінші Бектас Кә­рі­мұлы­ның есімі елімізде ғана емес, дүниежүзіне мәлім. Ол 2005 жылы Ақмола облысы, Шортанды ауда­ны­на Моңғолия елінен көшіп кел­ген. Елордада Ұлттық мұра­жай­да «Өткенді еске алу – бола­шаққа жол» тақырыбында өткен көрмеге ұсы­ныл­ған жәдігерлері дүйім жұрттың наза­рын айырықша аударды. Сондай-ақ, сүйек­тен жасаған мүсіндері ЭКСПО төрін­де де лайықты орын алған.
Суретшінің майлы бояумен салған картиналары мен сүйектен қа­шалған ең­бек­тері қазақ хал­қы­ның тұрмыс-тір­шілігін, салт-дәс­түрін айқын көрсе-теді.
Атап айтқанда, қойдың, ірі қа­ра малдың жауырын сүйегін бұз­бай әрлеп, түрлі жәдігерлік бұйым­дар жасайды. Бек­тас К­ә­рі­мұлы­ның айтуынша, халқымыз төрт түліктің жауырын сүйегін қас­терлеп, ырым етіп, сол сүйек­тен жол ашып, тұмар қылып пайдаға жаратқан. Сондай-ақ, малдың жауырын сүйегін кәдеге жа­рату арқылы халқымыздың ұлт­тық құндылық­та­рын болашақ ұр­паққа қалдыруды, на­си­хаттауды мақ­сат тұтып, өскелең ұрпақ­қа осы бір кенжелеп қалған өнерді үй­рету. Ол шамамен 7-8 жылдан бері балаларға сурет салудан тә­жі­рибесімен бөлісіп, жас сурет­ші­лер­ді дайындауда. Қазіргі таңда, үйір­меге он шақты бала қатысады екен.
Шебер 1000-нан астам карти­на­лар салып, 200-ден астам сүйек-мү­сін жаса­ған. Туындылары 15 мың теңгеден жоғары бағаланады. Еңбегі елеусіз қал­май, жүлделі орындарды иемденуде. Мә­селен, Астана қаласында Конгресс-хол көрме залында Ұлы жеңістің 70 жыл­­дығына орай өткен көрке­мө­нерпаз­дар шығармашылы­ғы Республикалық байқау-фес­ти­ва­лінің І орын, 2017 жылы өткен «Көш­пенділер» халықаралық көр­месінің бас жүлдесі «Алтын бүркіт» дип­ломдарымен, Баян-өлгий ай­ма­ғының өнер саласының «Озат қыз­меткер» төс белгісімен мара­пат­талған. Сондай-ақ, Моңғолия­да болып өткен АҚШ, Ресей, Қа­зақстан елдерінің біріккен ха­­лық­аралық суретші, қолөнер ше­берлерінің көрмесіне қатысып, бас жүлде иемден­ген. АҚШ-қа «Көш­пенділер үні» көрме­сіне Қазақстаннан шақырту алған 6 суретшінің қатарында болған. Бірақ ол елге бара алмаса да, оның қолынан шыққан суреті Өз­бекстан, Ресей, Моң­ғо­лия елдері­нен барған қатысушылардың туын­дыларымен қатар ұсынылды. Бұл біздің шеберлердің өнер туын­дылары та­нымал, әрі шынайы екендігінің көрінісі.

Аяулы ҚУАНЫШ

ПІКІР ҚОСУ

Ваш адрес email не будет опубликован.

Пікір