Ертең, яғни шілденің 14-інде Бурабайдың ашық аспаны астында Алаштың асыл ұлы, композитор Мұқан Төлебаевтың «Біржан – Сара» операсы сахналанбақ. Шығарманың музыкалық-сахналық редакциядан өткен тұсаукесері биылғы көктемде «Астана Опера» театрында қойылған еді.

Басшылық түгін тартса майы көрінер қазақ жерінің бай табиғатын көрсету мақ­са­тын­да «Біржан – Сара» опе­ра­сын Бурабайда қоюға шешім қабылдаған екен. Театр ұжы­мының тың көркем шешімі мен қойылымның сценог­ра­фиялық үлгісін қатар алғанда дра­матургия толығымен сақ­талады. Алайда, театрдың мүм­­кіндіктерін ескере келе, қойы­лымды ашық аспан ас­тын­да өткізу тәжірибесі жаңа­шыл­дыққа жол ашпақ. Пар­ти­тураға сәйкес, Біржан өз ария­сын алыстан шырқап, со­ның әсерінен орманның акус­тикасы әнге айрықша реңк бермек. Ең бастысы – ғажап әуен, орындаушылардың тамаша дауысы мен оркестрдің ойыны көрерменді бөлекше әсерге бөлейді. Басты назар – қос кейіпкер арасындағы махаббат уақиғасында болмақ. Біржан мен Сараның уақиғасы өскелең ұрпаққа ой салып, махаббат атты ұлы күшті құр­мет­теуіне сеп болмақ. Басты пар­тияларды орындаушы­лар­дың қарасы қалың. Атап айт­қан­да, Біржан – көптеген ха­лық­аралық байқаудың лау­­­­реаты М.Байнеш, Сара – Қа­зақстанның Еңбек сіңірген әр­тісі, ҚР Мемлекеттік сый­лығының лауреаты М.Мұха­мед­қызы, Жанбота – Қазақ­стан­ның Еңбек сіңірген қай­­рат­кері Ж.Шыбықбаев, Ана­лық – Қазақстанның Ең­бек сіңірген қайраткері Д.Хам­зина, Алтынай – Қазақ­стан­ның Еңбек сіңірген қай­рат­кері С.Ахметова, Жиенқұл – көптеген халықаралық бай­қаудың лауреаты Т.Ғалеев, Қо­жағұл – Ш.Расылхан, Серік – Р.Балакишиев, Естай – Б.Таңарықов. Қоюшы дири­жер – Қазақстанның Еңбек сіңірген қайраткері А.Мұ­хи­т­динов, қоюшы режиссер – PhD докторы, Қазақстанның Ең­бек сіңірген қайраткері А.Мае­миров, кеңесші ре­жиссер – Беларус Үлкен теат­рының Бас режиссері, Г.Тукай атындағы Татарстан Респуб­ли­касы Мемлекеттік сыйлы­ғы­ның лауреаты М.Панджавидзе, режиссер – Н.Кагадий, ба­лет­мейстерлер – Қазақстанның Ең­бек сіңірген қайраткеріА.Тәти, М.Авахри, қоюшы ре­­­жиссердің ассистенті – Е.Тойкенов. Қоюшы сурет­ші­лер мен сценографтар –С.Там­сағамбетова мен П.Дра­гу­нов. Ал Бас хормейстер – Қа­зақстанның Еңбек сіңірген қай­раткері Е.Дәуітов. Алғаш­қы қадам сәтімен болғай!..