«Бос­тандық! О, бос­тан­дық, сені із­дегем…»
27.04.2018
1108
1

Өткен сәрсенбіде Қазақ­стан Жазу­шылар одағының Әдебие­ті­ші­лер үйінде белгілі ақын, аудар­ма­шы, респуб­ликалық бірнеше жыр бәй­гелерінің жүлдегері Зей­­нолла Тілеужанұлының 75 жас­­қа толу мерейтойына орай «Бос­тандық! О, бос­тан­дық, сені із­дегем, Жерде ме ең, аспан­да ма ең, теңізде ме ең?..» ат­ты шығарма­шылық кеші өтті. Кешті белгілі ақын, ай­тыскер Аманғазы Кәріпжан әулеті жүргізді. Қазақстан Жазу­шылар одағы басқарма төрағасының орынбасары, ақын Бауыржан Жақып мерейтой иесінің шығар­ма­шылығы туралы кеңінен толғай сөз қозғап, иығына шапан жапты. Ақынның кін­­дік қаны тамған Шығыс Қазақстан облысы, Тар­ба­ғатай ауданынан арнайы келген аудан әкімінің орын­ба­сары Ержан Сабырбаев Зейнолла Тілеужановты жер­­лестері атынан құттықтап, аудан әкімі Ділдабек Ора­з­баевтың жеделхатын оқып, сый-сияпат жасады.
Жиын барысында той иесінің жаңа шыққан «Қаракерей Қабанбай» атты кітабының тұсауы кесіліп, оның лентасын қию құрметіне ие болған ақын-жазу­шылар Бауыржан Жақып, Рафаэль Ниязбеков, Тұрыс­бек Сәукетаев қаламгердің шығармашылығы мен өмір өткелдері туралы ой өрбітті. Белгілі ғалым, жазушы Қай­рат Раев, мерейтой иесінің басқа да әріптестері мен ту­ған-туысқандары ыстық лебіздерін білдірді. Жиын өнер шеберлерінің концертімен көркемделді.

ПІКІРЛЕР1
Аноним 17.11.2019 | 18:27

Құдайдың құдыреті!Осы мен шығармашылық кеш өткізсем ,немсе өлең оқысам телевидение шақырмайды,шақырса қыйып тастайды.Тіпті,өздері бір значок те бермейді.Жазушылар Одағына төраға болып талантты ақын
Ұлықбек Есдәулетов келгенше солай болды,,,Қазақтың талай талантты ақындары аттары аталмай арманда өлді,,,немесе өлтірді-деп күдіктенем,..Күннің жаманы кетеді,адамның жаманы кетпейді.
75 жылдығымды да өткізбей тастады.Тек жаңа басшылық келген соң ғана …Онда да әлем халықтары Жазушылары Одағының төрағасы Кайрат Дүйсеннің менің төсіме таққан Ресейдің Михайл Шолохов атындағы Халықаралық
алтын медалін,М,Х,Дулатидің Халықаралық сыйлығын,»Алаш» сыйлығының және Абай атындағы «Шығыс шынары»жыр мүшайрасының екі мәрте жеңімпазы екенімді Қазақ Әдебиетіне жариялатпай жасырып келеді.Мен баз біреулердей жылап алған жоқпын немесе сұрап алған жоқпын!!! Зейнолла Тілеужанұлы,

ПІКІР ҚОСУ

Ваш адрес email не будет опубликован.

Пікір