Алматы қаласы «Орталықтандырылған кітапханалар жүйесі» Жамбыл атындағы қалалық жасөспірімдер кі­тапханасының ұйымдастырумен «Атырау Алтай арасы» әдеби жобасының аясында ақын, республикалық мү­шәйралардың жүлдегері, Петропавл қаласындағы «Қызылжар нұры» газетінің бас редакторы Нұргүл Оқа­шеваның «Күз бен қыз» атты жыр кітабының тұсау­ке­сері және Алатаулық оқырмандармен кездесу кеші өтті. Кешке жазушы Аян Нысаналин, ақын Қасымхан Бегі­ма­нов, «Қазақ әдебиеті» газетінің Бас редакторы Жанарбек Әшімжан, ақын Қалмағамбет Мұхаметқали, жас қаламгерлер Бейбіт Сарыбай, Мақпал Мыса, Дүйсенәлі Әлімақын, Алтыншапақ Хаутай, Әсел Оспан, Айнұр Төлеу, Бауыржан Әлқожа, Жақсылық Қасымұратұлы қатысты.
ҚЖО басқарма төрағасының орынбасары Жанарбек Әшімжан Қазақстан Жазушылар одағының атынан Қы­зыл­жарлық жас ақын Нұргүл Оқашеваны кітабының тұ­саукесерімен құттықтап, арнайы сыйлық табыс ет­ті.
ҚР Жастар саясатын дамыту мақсатында жүзеге асы­рылып отырған кешке алматылық өлеңсүйер оқыр­ман жастар қатысты.