Әл-Фараби атындағы ҚазҰУ Шанхай шет тілдер университетінде (ШШТУ) қазақ тілі мен әдебиеті кафедрасын ашты. Бұл ор­тақ жоба Қытайдағы ҚР Елшілігі мен Ша­н­хай қаласындағы ҚР Бас консул­ды­ғының қолдауымен жүзеге асты.
Салтанатты шараға ҚазҰУ ректоры, ака­демик Ғалымқайыр Мұтанов бастаған уни­верситет делегациясы қатысты. Кездесу ба­рысында ШШТУ партиялық комитетінің тө­рағасы Цзян Фэн жоғары оқу орнында 30 шет тілінде маман дайындалатынын айтты. Жаңа оқу жылынан бастап қазақ тілі оқы­тыла бастағанын және оған қытайлық сту­денттер үлкен қызығушылық танытып жат­­қанын тіліне тиек етіп, маман­дан­ды­рыл­ған кафедраны ашуға көрсеткен көмегі мен қолдауы үшін ҚазҰУ ректоры Ғ.Мұ­танов пен Қазақстанның дипломатиялық қыз­метіне алғыс білдірді.
Сапар аясында ҚазҰУ мен ШШТУ ын­тымақтастық туралы меморандумға қол қой­ды. Ол жоғары білікті мамандарды даяр­лауға, сондай-ақ ғылыми-білім беру са­ла­сындағы ортақ қызмет ауқымын кеңейтуге бағытталған.