«ШӘКӘРІМ» ҚЫТАЙ ТІЛІНДЕ
06.10.2017
497
0

Л.Н.Гумилев атындағы Еуразия Ұлттық университетінің ректоры, ҚР ҰҒА академигі Ерлан Сыдықовтың «Шәкәрім» атты танымдық-ғұмырбаяндық кітабы қытай тілінде жарық көрді.

Бұған дейін қазақ, орыс, түрік, ағылшын тіл­дерінде басылған еңбек енді Сиань уни­верситетінің тіл маманы Ли Сычанның аудар­масымен қытай елінің оқырмандарына жол тартып отыр. Автор еңбегінде Шәкәрім Құдайбердіұлын тарихи, азаматтық және ғылыми тұрғыдан қарастырып, публицис­ти­калық, философиялық еңбектеріне жаңаша баға береді. Еуразия Жазу­шылар одағының төрағасы Якуп Өмероғлы: «Бұл кітапта Ерлан Сыдықов мырза Шәкәрімнің қазақ мәдениеті мен әдебиетіне және ұлт руха­ниятына қосқан үлесін жаңаша көзқараспен бағамдайтынын айтса, өнертанушы А.Тайзенхаузен: «Бұл кітап ақын, философ Шәкәрімнің бү­кіл ғұмырын қамтиды. Зерттеуде ұлт тарихы да қамтылған» деп баға береді.
Шәкәрім Құдайбердіұлы туралы бұл ғұмырбаяндық кітаптың қытай оқырмандарына жетуі – ұлт руханияты кеңістігінің кеңейе түскені деп білеміз.

ПІКІР ҚОСУ

Ваш e-mail не будет опубликован.

Пікір