Кеше Қазақстан Жазушылар одағы бас­қарма секретариатының кеңей­тілген отырысы өтті. Күн тәртібінде жалғыз мәселе – латын әліп­биіне қа­тысты ұсынылған жобаны тал­қылау. Ұйым басшысы Нұрлан Оразалин жүргізген жиынға Ғалым Жайлыбай, Ұлықбек Ес­дәулет, Бауыржан Жақып, Маралтай Райым­бекұлы, Бақыт Сарбалаұлы, Жанарбек Әшімжан сынды хат­шы­лық құрамынан бөлек, Марал Ыс­қақ­бай, Марфуға Айтхожина, Бек­сұлтан Нұржеке-ұлы, Қуанышбай Құрманғали, Тұр­дақын Жек­сенбай, Молдахмет Қаназ, Ахметжан Ашири, Ра­фаэль Ниязбек, Эрнест Тө­ре­ханов, Әшірбек Көпішев, Сара Ләтиева, Самат Ибрагим секілді қаламгерлер және ака­демик Өмірзақ Айтбайұлы, про­фессор Зейнеп Ба­зарбаева сынды ғалым­дар қатысты. Жиын ба­рысында академик Өмір­зақ Айтбаев пен профессор Зейнеп Мү­сілім­қызы әліпби ауыстырудың тә­жірибесі мен әлеуеті жайлы терең сөз қозғап, бұл жо­баның артық­шылығы мен кемшілігі жайында ба­р­ынша кеңірек мағлұмат берді. Жиын соңында қатысушылар атал­ған мәселені тіл ма­мандары, та­рих­шылар, басқа ғылыми ұйым­дармен бірге кеңесу керек дегенге тоқ­талды. Осы секретариатта айтылған пікірлер мен ұсыныстар негізінде арнайы қаулы қа­былданып, билік баспал­дақтарына және әліпби жөніндегі комиссияға жолданбақ. Кеңес отырысында қам­тылған мәселелердің толық нұсқасы алдағы уақытта «Қа­зақ әдебиеті» га­зе­тінің бетінде жарық көретін бола­ды. Мәжілісті Одақ төрағасы қорытын­дылады.