Елбасы Нұрсұлтан Назарбаевтың «Болашаққа бағдар: рухани жаңғыру» мақаласын насихаттау мақсатында Павлодар қаласындағы Достық үйінде «Тіл, мәдениет, жас­тар – жарқын болашақ!» атты жастар форумы өтті. Форумға Павлодар облысындағы қала мен аудандардың белсенді жастары қатысып, тіл саясаты мен «Туған жер» бағдарламасын жүзеге асыруға қатысты түйінді пікірлерін ортаға салды.

«Биыл «Қазақша сөйлесу оңай!» атты жоба қолға алынды. Жо­баның мақсаты: «Серпін» студенттерін тарту арқылы Павлодар қаласында тұрып жатқан түр­лі ұлт жастары арасындағы орыс тілді бөлігіне қазақша сөйлеу ортасын құру. Қатысушыларымыз «Серпін» бағдарламасының студент­тері мен қазақ тілін ұсынылған жоба бойынша меңгергісі келетін Павлодар қа­ла­сының жастары. Бір айдың ішінде қазақша ортаны құрып, бір-бірімізге қонаққа барып, ұлт­тық дәстүрлерімізді көрсетіп, оңтүстіктен кел­ген жастармен дос болдық», – дейді Қазақстан халқы Ассамблеясы жастар қанаты этносының мүшесі Анастасия Ильченко.
Аталмыш жобаның мақсаты: Қазақ тілін үйренуді насихаттау; Қазақ тілін қызықты оқыту барысын көрсету; «Серпін» бағдарламасы бойынша оқып жүрген студентерді әлеуметтендіру; Павлодар қаласындағы қазақша сөйлей алатын жас­тар санын көбейту.
Форму барысында қатысушылар «Латын гра­фи­касы және қазақ тілі» және «Мемлекеттік тіл – жастар» тақырыбындағы секциялық блоктарда латын әліпбиіне көшудің ұтымды тұс­тары мен пайдасы туралы тұжырымдарымен бөлісті.