Елбасы Н.Ә Назарбаевтың «Болашаққа бағдар: рухани жаңғыру» мақаласында: Табысты болудың ең іргелі, басты факторы білім екенін әркім терең түсінуі керек. Жастарымыз басымдық беретін межелердің қатарында білім әрдайым бірінші орында тұруы шарт. Себебі, құндылықтар жүйесінде білімді бәрінен биік қоятын ұлт қана табысқа жетеді» деп жазылған.

Нақты мақсатқа жетуде білім беру мазмұ­нын жаңарту – басты мәселелердің бірі болып отыр. Қазақстан Республикасында орта білім мазмұнын жаңарту аясында «Өрлеу» БАҰО АҚ Алматы облысы бойынша педагог қызметкерлердің білік­тілігін арттыру институтының ұйым­дас­тыруымен Қарасай ауданы, С.Байжанов атындағы орта мектепте қазақ тілінде білім беретін мектептердің бастауыш сынып мұғалімдерінің біліктілігін арттыру курсы өтті. Курстың мақсаты: Бастауыш сынып пәндері бойынша білім беру бағ­дарламасын жаңарту және критериалды бағалау жүйесін енгізу тұрғысынан мұ­ғалім­дердің педагогикалық шеберлігін жетілдіру. Курс барысында мұғалімдер жаңартылған білім беру бағдарламасының құрылымымен, ондағы материалдардың күрделілігінің өсу ретімен, мазмұнымен және мақсаттарымен, педагогикалық тәсілдермен танысып, оны тәжірибе жүзінде қолданып көрді.
Біліктілікті арттыру курсы барысын­дағы өзін-өзі бағалауға мүмкіндік беретін топтық жұмыс пен бірлескен тәсіл мұ­ға­лім­­дерге кәсіби құзыреттілікті жетіл­діру­дің қыр-сырын түсінуге көмектеседі.Адамның ақыл-ойы қарыштап дамыған ХХІ ғасырда барлық салада табысқа қол жеткізу үшін шәкірт бойына қажетті дағдыларды дарыту жолында мұғалімдер тынымсыз еңбектеніп, үздік­сіз ізденуі керек. «Білімді болу деген – жаңа­лық ашуға, бәсекелестікке қабілетті болу» деп әл-Фараби айтқандай, жаңартылған оқу бағдарла­масын жетік меңгеру болашақ кепілі .
Индира Камбаралиева,
«Өрлеу» БАҰО АҚ филиалы,
Алматы облысы бойынша педагог
қызметкерлердің біліктілігін арттыру институтының аға оқытушысы.