«Рухани жаңғыру – түрік дүниесінің олжасы»
02.06.2017
1021
0

Анкара қаласында орналасқан Еуразия Жазушылар қауымдастығының кеңсесінде түркі әлеміне танымал тү­рік қаламгерлері Қазақстан Республикасының Пре­зиденті Н.Ә.Назарбаевтың «Болашаққа бағдар: рухани жаң­ғыру» атты мақаласын талқылады.
Жиынға Қазақстанның Түркиядағы Елшісі Абзал Са­парбекұлы, Еуразия Жазушылар қауымдастығының төра­­ғасы Якуб Омароғлы, «Кардеш калемлер» жур­на­лының жауапты хатшысы Осман Чевиксой, әде­биет­танушы-ғалымдар Әкрам Арыкоғлы, Вели Саваш Йелок, Жәмиля Кынажы, қаламгерлер Хусейн Албайрак, Уфук Тузман, Үлкі Ташлыова, Бекир Явуз Пекажар, Ер­кан Карагөз, Сүмейра Харманда, Нұрай Тамир, Азиза Кая және БАҚ өкілдері қатысты.
Шара аясында Гази университетінің оқытушысы, қа­зақ әдебиетінің танушысы, ғылым докторы Жәмила Кы­нажының «Қазақ театрында әйел мәселесі» атты кіта­бының тұсаукесері өтті.
Жиынды ашқан Қазақстанның Түркиядағы Елшісі А.Сапарбекұлы Қазақстанның тәуелсіздік жыл­да­рын­дағы жетістіктерін атап өтіп, бағдарламалық мақалада ай­тылған негізгі бағыттары туралы мәлімет берді. Мә­дени-гуманитарлық сала бойынша екі бауырлас ел ара­сындағы қарым-қатынасты дамыту және қазақ әде­бие­ті мен мәдениетін насихаттау мақсатында шы­ғар­ма­шы­лық орталықтармен атқарып отырған жұмысты ары қа­рай жалғастыратындығын жеткізді. Елші А.Са­пар­бекұлы ғалым Ж.Кынажының қазақ әдебиетіне қа­тыс­ты жүргізген зерттеу еңбектерін жоғары бағалап, жаңа туындыға сәт сапар тіледі.
«Болашаққа бағдар: рухани жаңғыру» бағдарламасы – ХХІ ғасырдың олжасы» деп баға берген Еуразия Жазу­шылар қауымдастығының төрағасы Я.Омароғлы түрік қа­ламгерлері атынан Елбасы Н.Ә.Назарбаевқа тұтас ру­ханият саласына күш беріп, қолдау көрсеткені үшін ал­ғыс айтты. «Түркия зиялылары атынан Қазақстан Пре­зидентіне алғыс айтуымыз керек. Өйткені, осы мақала ар­қылы Елбасы бүкіл әлемнің жанталаса күресіп жат­қан мәдени жұтаңдыққа қарсы шешім тауып отыр. Атал­ған бағдарлама қазақтың мәдени коды мен ұлттық бол­мысын сақтау мәселесінен бастап, мәдени дип­ло­ма­тияның жүзеге асырылуына дейінгі нақты мақсаттар мен атқарылатын жұмыстарды қамтыған. Сондықтан бағ­дарламада айтылған тәжірибе Қазақстан үшін қан­шалықты маңызды болса түркі әлемі үшін де сонша­лық­ты маңызды», – деп өз пікірін білдірді. Сөз соңын­да Я.Омароғлы «Кардеш калемлер» журналына «Бо­ла­шаққа бағдар: рухани жаңғыру» мақаласының жа­рық көргендігін жеткізді.
Ал Ж.Кынажының «Қазақ театрында әйел мәселесі» атты кітабы бойынша баяндама жасаған Гази универ­си­тетінің оқытушысы, ғылым докторы Вели Саваш Йе­лок автордың өткен ғасырдың 1920-1928 жылдар ара­лығында өмір сүрген қазақтың әйелін ғана емес, жалпы әлем елдері мен Осман мемлекетіндегі әйелдердің қо­ғам­да алған орны мен атқарған ролін анық көр­сет­кендігін жеткізді. Сонымен қатар, әйел тақырыбы М.Дулатұлы, Ж.Аймауытов, С.Сейфуллин, М.Әуезов, Ж.Ті­лепбергенұлы сынды жазушылардың драмалық шы­ғармаларына арқау болғандығын баяндады.
Бұған қоса, құттықтау сөз сөйлеген түрік жазушылары О.Чевиксой, Х.Албайрак және Ә.Арыкоғлы Қазақ­стан­ның Түркиядағы Елшілігіне қазақ әдебиетін наси­хаттау арқылы әдеби байланысты орнатқаны үшін ал­ғыс білдірді.
Шара соңында елші А.Сапарбекұлы әдебиеттанушы-ғалым Ж.Кынажыны екі бауырлас ел арасындағы ынтымақтастықты дамытқаны үшін «Қазақстан-Түркия достығы» медалімен марапаттады.

ПІКІР ҚОСУ