Халқымыз байырғы заманнан жан мен тәннің саулығын айрықша орынға қойып, назарға алған. «Бірінші байлық – денсаулық» – еліміздің белсенді дамуына, экономикасына, әсіресе әлеуметтік жағдайының жақсаруына ықпал ететіні сөзсіз. Саулығымызды сақтауға септігін тигізетін, демографиялық өсімі жоғары, халық саны көп өңірдің медицина саласына Оңтүстiк Қазақстан облысының әкiмi болып Жансейiт Түймебаев тағайындалғалы берi тың бетбұрыстар жасалды. Тың бастамалар негізінде облыстық денсаулық сақтау басқармасы жаңашыл әдiстер мен озық технологияларды ендiруде iлкiмдiлiк танытып келедi.

Өңiр басшысының бастамасымен дәрiгерлер Стамбұл және Анталия қалаларындағы кли­ни­ка­лар мен медициналық орта­лық­тардың жұмысымен танысып, онкология, кардиология, трав­матология, ана мен балаға медициналық жәрдем көрсету бағыттарында тәжірибе алмасты, біліктіліктерін жетілдіріп келді. Әрине, белгілі бір істе жетістікке жету сала жұмысына дұрыс ба­ғыт беріп, басқара білетін бас­шы­­ға тікелей байланысты. Бүгін­де жұрт сала басшысын та­ғайын­дау­да облыс әкімінің дұрыс таң­дау жасағанын айтуда. Облыс әкі­мі денсаулық сақтау басқар­ма­сының басшысы Мұқан Егiз­баев­қа үлкен сенім арта отырып, бiрқатар нақты тапсырмалар берген болатын. Атап айтқанда, әкiм денсаулық сақтау саласының басшылық құрамына облысы­мыздағы ана мен бала өлiмi индикаторын азайтып, аса қауiптi жұқпалы аурулардың белең алмауына күш салуды тапсырды. Сонымен бiрге, мiндеттi әлеу­мет­тiк-медициналық сақтандыру полисiн енгiзуге даярлық жұ­мыс­тарын жеделдетудi ескерттi. Ден­саулық сақтау саласын да­мытудың 2016-2019 жылдарға ар­­налған «Денсаулық» мемле­кет­тiк бағдарламасының өңiрде сапалы, әрi тиiстi мерзiмiнде орындалуын қамтамасыз етудi жүк­­­­­­­­­тедi. «Денсаулық сақтау сала­сын­да халыққа сапалы ме­дици­налық көмек көрсету өте маңыз­ды мiндет. Бұл ретте облыста ба­­залық орталық құрып, тә­жi­ри­бе алаңдарын жетiлдiре түсуге тиiспiз. Сонымен бiрге, өңiрi­мiз­де­гi медицина саласындағы маман тапшылығын жойып, жас дәрiгерлердi ауылды жерлерге тартуды жүйелеу қажет. Сондай-ақ, шетелдiк медициналық ұйым­дармен әрiптестiк ынты­мақ­тастықта тәжiрибе алмасу ар­қылы сапалы қызмет көрсетуге көшу – заман талабы», – деген болатын Жансейiт Қансейiтұлы. Осы және саланың қызметін жақ­сартып дамыту мақсатындағы басқа да міндеттер басшыға қа­рата айтылғанымен облыстағы 7 мың жоғары санатты дәрiгер мен 24 мыңға жуық орта буынды ма­манға, жалпы медицина са­ла­сындағы 100 мыңнан асатын қыз­меткерлерге ортақ екені аян. Яғ­ни облыс басшысы жұмыла жұ­мыс iстеуге шақырды. Сала ма­мандарының жалақы мәселесi де көтерілді. Арнайы бағдарлама даяр­лап, мамандардың шетелге шы­ғып, тәжiрибе алмасуын жүйе­леу тапсырылды. Бүгінде об­­­лыстық денсаулық сақтау бас­қар­масы алға қойған мін­дет­те­мелерді жоспарға сай жүзеге асыруда. Сондай-ақ, оңтүстік ден­саулық сақтау саласында бір­қатар бастамаларды бірінші болып қолға алды.

Мысалы, Шымкент қалалық же­дел медициналық көмек көр­сету ауруханасының жанынан қо­сымша үш қабатты ғимарат са­лынып, биыл пайдалануға бе­рiл­мек. Аталмыш аурухана ала­ңының ұлғаюы қызмет көр­сету сапасын анағұрлым жақ­сар­тары сөзсіз. Аймақтар арасында бi­рiн­шi болып облыс ортал­ы­ғын­да трансплантация қолға алынды. Нақтырақ айтсақ, 70-тен астам бүйрек және сегiз бауыр алмастыру сияқты күрделi операциялар жасалды. Шетелдерде бiлiмiн жетiлдiрген жергiлiктi ма­мандар өздерi ота жасайтын дәрежеге жеттi. Ресейлiк бiлiктi дә­рiгер­лермен бiрге тiзе буын жә­не жамбас буын ауруларына шал­дыққан науқастарға 10 ота жасал­ды. Сонымен қатар, Қазақстан мен Ресей дәрігерлері облыстық он­кологиялық диспансерінде қуық асты безінің қатерлі ісігіне ота жасады. Денсаулық сақтау бас­қармасы мен Қазақ онкология және радиология ғылыми зерттеу институтының үйлестіруімен өткен «Несеп-жыныс жүйесінің қа­терлі ісігінің мультитәртіптік тә­сілмен емдеу» шеберлік-сы­ныбы «Шымкент» қонақүйінде екі күндік халықаралық он­коурологиялық форумға ұласты. Денсаулық сақтау басқармасы және Қазақ онкология және радиология ғылыми зерттеу институты онколог-дәрігерлердің бі­лік­тілігін арттыруда ауқымды жұ­мыстар жүргізді. Мұндай ха­лықаралық тәжірибе алмасулар бұған дейін де өткізіліп, Оңтүстік Қазақстанға медицинасы озық әлем елдері Оңтүстік Корея, Фран­ция, Түркия, Моңғолияның үздік мамандары тәжірибелерімен бөліскен болатын. Онкоуроло­гия­лық форумның мақсаты – ер­те диагностикалауды жақсартып, науқастарға кешенді ем жүргізіп, өмірін ұзарту. Қазіргі таңда бүкіл әлем бойынша қуық асты безінің қатерлі ісігіне шалдыққандар қа­тары көбейіп келеді. Оңтүстік Қа­зақстан облысында жыл са­йын қуық асты безінің қатерлі ісі­гімен 60-тан аса, ал аталық безі­нің қатерлі ісігімен 40-қа жуық жаңа науқас анықталады. Бі­рақ бұлардың 60 пайызы дерт­тің III-IV сатысында табылады. Бұл мәселе несеп-жыныс жүйе­сінің обырын ерте анықтауда ал­ғашқы медициналық-сани­тар­лық көмек дәрігерлерінің уролог және онколог мамандарымен бірлесе жұмыс істеуінің маңыздылығын көрсетеді. Ре­сейдің белгілі ғалымдары арнайы шақырылған халықаралық фо­рум­­дағы мастер-класс барысында алғашқы медициналық-сани­тарлық көмек дәрігерлеріне қуық асты безі қатерлі ісігінің ерте диагностикасын жақсарту бойынша лекция оқылып, прак­тикалық тәжірибе көрсетілді. Қуық асты безінің қатерлі ісігіне ота жасалып, онкоурологиялық форумда қуықтың және аталық безінің қатерлі ісіктерін ерте диагностикалау және емдеу тә­сілдері талқыланды. Айта ке­телік, облыстық қатерлi iсiк дис­пансерiнiң жанынан 75 орынды қосымша жай салынуда. Келешекте облыс орталығынан 10 гектар жер телiмi бөлiнiп, бұл жер­ге қатерлi iсiк ауруларын ем­дейтiн заманауи үлкен аурухана бой көтермек. Бұл iске көптеген шетелдiк инвесторлар қызығу­шы­лық танытуда. Әсiресе, из­раиль­дiк ғалымдар ең соңғы үл­гi­дегi құрал-жабдықтармен қам­­­тамасыз етуге ниет білдіріп отыр.
Сондай-ақ, оңтүстікте кар­диохирургиялық жолмен жасалатын сапалы ота саны да ұлғая түсуде. Мысалы, Алматы қала­сын­дағы А.Сызганов атындағы Ұлттық ғылыми хирургия орта­лы­ғы былтыр жыл iшiнде 274 операция жасаса, шымкенттiк­тердің көрсеткіші 46-ға көп. Білікті дәрігерлердің тәжірибе ал­масу мәселесі де жүйелі жүр­гізілуде. Стамбұл қаласы ау­руханасының бөлім меңгерушісі, медицина ғылымының докторы, профессор Белхам Акпинар келiп, екi күн шеберлiк сыныбын өткiздi. Бес науқасқа күр­делi операция жасады. Мұн­дай оталар тек Алматы мен Ас­танадағы республикалық ор­талықтарда жүзеге асырылатын. Ендi, мiне, оңтүстікте де қолға алынды. Белхам Акпинар оң­түс­тіктік әріптестерімен бірлесе екі күнде 5 науқасқа жүректің қақ­пақ­ша­лар құрылымдарын реконструкциялау мен протездеу және интраоперациондық радио­жиі­лік абляциялауды пайдалана отырып, аортокоронарлық шунттау отасын жасады. Бұл ота жү­ректің ишемиялық ауруымен қатар, қақпақшаларының за­қымдануы анықталып, ырғағы­ның бұзылуы асқынған нау­қас­тарға жасалынады. Сол бір сәтті ота туралы пікірін білдірген бас­қарма басшысы Мұқан Егізбаев түркиялық кәсіби мамандардың мақсаты Оңтүстік Қазақстан облысында дәрігерлердің білік­ті­лік­терін арттыру, халықтың ден­­саулығын жақсарту, күрделі оталарды дәрігерлерімізге үйрету екенін айтып өткен болатын. «Бұ­рын мұндай оталар Алматы мен Астанадағы республикалық орталықтарда ғана жасалып келген болса, облыстық деңгейде ал­ғаш рет қолға алынды. Бұл әлем­­нің кез келген дамыған елін­де жасала бермейтін күрделі ота. Айта кетуіміз керек, жасал­ған оталардың барлығы да мемлекет есебінен қаржылан­дырыл­ған. Тегін. Дегенмен, өмір бір орнында қалып қоймайды. Біз бұл мамандармен келісімге кел­дік. Егер дәрігерлеріміз түрік елі­не барып, біліктіліктерін же­тіл­діретін болса, жол шығын­дарынан басқасын, ас-ауқатынан бастап, жататын орны мен оқуы­на дейінгі шы­ғын­дарды түгел Түркия тарапы өз міндетіне алып отыр. Бұл облыс дәрігер­леріне берілген мол мүмкіндік, үлкен көмек деп ой­лай­мын. Келешекте мұндай күр­делі оталарды өзі­міз­дің дәрі­гер­леріміз де жасай бере­тін болады», – деді Мұқан Кеңес­бекұлы. Осы арада айта кетелік, ОҚО Денса­у­лық сақтау басқар­масы баспасөз қызметінің дере­гінше, соңғы екі жылда облыстық кардиоорта­лық­та 620 жүрекке ота жасалыныпты, 2015 жылы – 310, 2016 жы­лы – 310. Жалпы, облыстық кар­дио­орта­лықта соңғы 7-8 жылда 3000 жүрекке ашық ота жа­салған. Кардио­орталықтың бас дәрігері Спандияр Бекжігітовтің мәлім­деуін­ше, шет елдерде бі­лім­дерін жетілдіріп, білік­ті­лік­те­рін арт­тырған дәрігерлер күр­делі оталарды меңгеруде. Тіпті олар жүректі ауыстыруға да дайын. Жалпы, жүрек ырғағының бұзы­луы – «жүрекшелердің жыбыры» халық арасында кеңінен та­ралған созылмалы ауру. Атал­ған патология әйелдермен са­лыс­тырғанда ер адамдарда 1,5 есе жиі кездеседі екен. Жүрекшелердің жыбырын емдеу қазіргі заманның кар­диологиясы мен кардиохирургия саласында қиындық тудырып отыр. Ең басты қиындық­тардың бірі – кардиогенді тром­­боэмбо­лиялар жиі ми ин­сульттарының туындауына себеп болып, нау­қас­тардың өмір сүру сапасын төмендетеді. Айтылған мәселе бойынша жүрек қақ­пақ­шалары­ның ақауы мен жүрек­ше­лердің жыбырын кардиохирур­гия­лық жолмен бірге емдеу күр­­д­елі оталардың бірі болып та­былады. Демек, оңтүстікте жү­зеге асырылып отырған тәжірибе алмасулар, шеберлік сағаттары­ның ұйымдастырылу мақсаты да осы – науқастарды ауруынан айық­тырып, сапалы ұзақ өмір сүру­леріне ықпал ету. Өкінішке қарай, жүрек ақаулары сәбилерде де кездеседі. Бұл орайда, об­лыс­тық балалар аурухана­сы­ның бi­лiк­тi дәрiгерлері туабiткен жүрек ақаулары бар нәрестелерге күр­делi операциялар жасауды жақсы игер­ген.
«Жол картасына» сәйкес ба­ла­лар ауруханасы Оңтүстiк Қа­зақстан, Қызылорда, Жамбыл об­лыстарына медициналық қыз­мет көрсететiн өңiрлiк орталық деген мәртебеге ие болып отыр. Аталмыш ауруханада күрделi ота жасау үшiн неонатальды хирургия, нейрохирургия, офтальмология, анестезиология, реанимация бағыттарына басымдық бе­рiлген. Осы күнге дейiн 500-ден астам нәрестеге ота жасалыныпты. Ал дәрiгерлер Ресей, Израиль, Литва, Беларусь, Украина мемлекеттерiнiң жетекшi клиникаларында бiлiктiлiктерiн арттырып қайтқан. Өңірлік мәр­тебе демекші, Шымкент қа­ласында облыстық эндокринология диспансерiнiң базасында аймақтық диабет орталығы ашы­­лып, оның игiлiгiн облыс тұрғын­дары ғана емес, көршiлес аймақ­тардың да халқы көрмек. Мұнда қант диабетiмен сырқатта­на­тын науқастарға заманауи емдеу және диагностика тәсiлдерi қолданы­лады. Науқастардың гликемия­лық көрсеткіштерін тәулік бойына 288 рет анықтау арқылы үне­мі үздіксіз бақылауға мүм­кін­дік беретін СGMS құрыл­ғысы бар. Сонымен қатар, «Диабет мек­тебін» арнайы дайын­дықтан өткен инструкторлар жүр­гізеді. Аймақтық диабет орталығы ор­наласқан облыстық эндокринология диспансерінде қызмет ат­қаратын дәргерлердің 60 пайызға жуығы жоғарғы санатты білікті мамандар. Диспансер дәрігерлері жыл сайын біліктілігін арттыруда. Мәселен, 2 дәрігер-эндокри­нолог Ресейдің «Санкт-Петербург көп салалы орталығында» аяқ та­мырлары патологиясына ультра дыбыстық диагностика циклында білікті­лігін жетілдірді. Та­ғы 1 дәрігер сол Санкт-Петер­бург­те «Жіңішке инелік аспирационды биопсия мәліметтері бойынша қалқанша безінің мор­фологиялық диагностикасында», 25 дәрігер республика деңгейінде біліктілігін арттырды. Сондай-ақ, диспансер меди­циналық кол­­ледждер мен жоғары оқу орын­дары медици­на­лық факуль­­тет­терінің клиника­лық базасы бо­лып табылады. Мұнда науқас­тар­­ды емдеумен қатар диабетология мәселелері бойынша семинарлар, конференциялар мен кез­десулер ұйым­дастырылып тұрады. Қант диа­беті мектебінің жаттық­тыру­шыларын даярлайды. Салауатты өмір салтын насихаттау, семіз­дікті алдын алу диабет мектебінде оқытылады. Елімізде қант диа­бетіне қарсы күресті ұйым­дас­тыруда салауатты өмір салтын қалыптастыру мәселе­леріне үлкен мән беріліп келе жатқаны мәлім. Аймақтық диабет орта­лығы аурудың пайда болу қаупін азайтуға және диа­беттік ретинопатия, нефропатия, невропатия, диабеттік табан се­кілді қауіпті асқыну­лар­ды ал­дын алуға көмек­теседі.
Өңірде ер-азаматтардың ден­саулығын жақсартуға ерекше мән берілуде. Оған себеп те жоқ емес. Өкінішке қарай, отбасын құр­ған әрбір бесінші ер азамат бел­сіздікке ұшырайды екен. Әйел­дерге қарағанда, ер-аза­мат­тар дәрігерге 3 есе сирек қара­ла­ды, аурудың ерте сатысында қа­ралмай, асқындырып жатуы да осы себептен. Нәзік жандылармен салыстырғанда еркектер
3 есе жоғары жүрек ишемиялық ауруына ұшырайды және 6 есе жоғары қант диабетімен ауырады. Соңғы 5 жылда еркек безі обыры­ның нәтижесіндегі өлім-жітім көрсеткіші сүт безі обыры өлім-жітім көрсеткішімен салыс­тыр­ған­да екі есеге артқан. База­лық ем­деу мекемелерiнiң бiрi, озық тә­жiрибе тарату орта­лығы саналатын облыстық кли­ника­лық ауруханада 2009 жылы елi­мiзде бiрiншi болып «Ер азаматтар денсаулығы мектебi» ашылған бо­латын, содан берi жүйелi жұ­мыс­тар жүргiзiлуде. Мысалы, ТМД елдерi арасындағы урологтар ассоциациясының прези­дентi, еліміздің бас урологы,
«Б.Жарбосынов атындағы ғы­лы­ми урология орталығы» АҚ-ның төрағасы М.Алшынбаев бастаған елiмiздiң айтулы институттар­ы­ның басшылары мен бiлiктi мамандары лекция оқып, шеберлiк сыныптарын өткiздi. Қазіргі таңда ерлер арасында простатит, жыныс безінің зарарсыз гиперп­ла­зиясы, эрек­тильдік дисфун­кция­ға жүрек-қан тамырлар жүйе­сінің аурулары көп кездесе­тіні жасырын емес. Алматы қала­сынан келген профессорлар жер­гілікті мамандармен бірігіп жағ­дайы ауыр бірнеше науқасқа жаңа техно­логияның көмегімен сәтті ота жасады. Жалпы, Марат Па­шимов басқаратын облыста гематология, жүрек-қан тамырлары аурулары, тiзе және жамбас
буындарын эндопротездеу бойынша түрлi семинар-кеңестер мен шеберлiк сыныптары ұйым­дастырылып тұрады. Әдетте, дә­­рiгерлердiң тағайындаған емi­нiң науқастарға шипалы болуы мейiрбикелерге тiкелей байла­ныс­ты. Яғни жұмыстың басым бө­лі­гі соларға тиесiлi. Сондықтан мейiрбикелердiң бiлiктiлiгiн арт­тыру мақсатында облыстық ден­саулық сақтау басқармасының бас­тамасымен алғаш рет орта буынды медициналық қызмет­кер­лердiң басын қосып, арнайы конференция өткiзiлген болатын. Сондай-ақ, халықаралық мейіргерлер күніне арналған мерекелік іс-шарада орта буын ме­дицина қызметкерлеріне құр­мет көрсетіліп, сый-сияпаттар табыс етілді. Орта буынды медицина мамандарының көмегімен облыста биылғы бірінші тоқсан­ның қорытындысында ана өлімі 47 пайызға, бала өлімі 18 пайызға азайған. Денсаулық сақтау бас­қармасының басшысы М.Егіз­баев­тың айтуынша, жыл сайын облыс тұрғындарының 438 мыңы ауруханада ем алады. Әрбір азамат жылына кем дегенде 4 реттен емханаға қаралады. Ал жедел жәрдем көмегіне 1 миллионнан астам адам жүгінеді. Тұрғындарға көрсетілетін осындай ме­дици­налық көмек түрлерінің қашанда сапалы болуына облыс бойынша 22 мыңнан астам мейіргер қомақ­ты үлес қосып келеді.
Өңірдің денсаулық сақтау са­ласына тиісті деңгейде көңіл бө­лінуде. Жыл сайын медицина­лық мекемелер жаңарып, жаңа ғимараттар ел игілігіне беріліп жатыр. Мамандар тапшылығы азайып, медицина қызметкер­лері­нің біліктілігін ұдайы арттыру жолға қойылған. Бюджет есе­бінен жыл сайын 6 мыңнан астам ме­дицина маманы білімдерін же­тіл­діреді. Денсаулық сақтау са­ласындағы атқарылған жүйелі жұмыстардың нәтижесінде облыс тұрғындарының орташа өмір сүру жасы 71,9-ға ұлғайды. Бір ға­на мысал, облыс орталығынан шалғайда орналасқан кеншілер шаһары Кентауда халықтың ор­таша өмір сүру ұзақтығы 67 жас­­тан 70 жасқа жоғарылаған. Сәй­кесінше, нәрестелер өлім-жі­тім көрсеткіші 1000 балаға шақ­қанда 17,1%-дан 4,6%-ға төмен­де­се, жалпы өлім-жітім көр­сет­кі­ші 1000 адамға шаққанда 7,1%-дан 1,6 %-ға азайған. Сондай-ақ, ту­беркулез дертімен сырқаттану­шы­лық 1000 адамға шаққанда 85%-дан 27%-ге төмендеп, қан ай­налым жүйесінен болған өлім-жі­тім көрсеткіші 1000 адамға шақ­қанда 137,2%-дан 10,7%-ге, он­кологиялық аурудан болған өлім-жітім көрсеткіші 1000 адам­ға шаққанда 35,8%-дан 15%-ға ке­міпті. Аурудың алдын алуға, са­лауатты өмір салтын қалып­тас­тыруға студенттер арасында жүр­гізілген жұмыстар да септігін тигізуде. Осы орайда Шымкент қаласында Денсаулық сақтау бас­қармасының ұйымдас­тыру­мен жоғары оқу орындарының студенттері флюрографиялық тек­серуден өткізілді. Бұл мақ­сат­та жылжымалы флюрографиялық аппараттар жоғары оқу орындары алаңдарына қойылып, білім басқармасына қарасты 14 жабық мекемеде медициналық тексерулер жүргізілген. Енді үшінші ке­­­­зеңде жоғары және орта оқу орын­дарындағы 75 мыңнан астам студентті қазан айына дейін түгел тексеруден өткізу қолға алы­нып отыр. Денсаулық сақтау басқармасы баспасөз қызметінің мәліметінше, жыл сайын облыс бойынша 1 млн. 198 мың 681 тұрғынды тексеру жоспарланса, оның 75572-ін студенттер құрай­ды екен. Биылғы жылдың алғаш­қы тоқсанында жалпы жылдық жос­парға сәйкес халықтың 23,2%-ы тексеруден өтіпті.
Облыс басшылары өңiрiмiздiң ден­саулық сақтау саласын дамытып, өркендетуді басты назарда ұстауда. Ол түсiнiктi де. Өйткенi, ха­лық тығыз орналасқан үлкен ме­гаполистiң медицинасы да озық болуы тиiс. Өңір аума­ғын­дағы медициналық мекемелер заманауи техникалармен жаб­дық­талуда. Сондай-ақ, науқасқа алғашқы көмек көрсететін «жедел жәрдем» қызметін жақсарта түсу күн тәртібінен түскен жоқ. Осы орайда облыс басшысы Ж.Түймебаев жыл басында жедел жәр­дем қызметіндегі мәселелерді шешу үшін өңірде биыл 8 қосым­ша бригаданың құрылатынын айтып, 30 көліктің кілтін табыс ет­кен болатын. Жыл соңына дейін тағы да 22 көлікке тапсырыс берілген. Сондай-ақ, Шымкент қалалық жедел жәрдем стан­сасын мемлекеттік-жекемен­шік әріптестік арқылы модернизациялау бойынша жұмыстар жүргізілуде. «Жалпы, облыста же­дел жәрдем қызметін көрсе­тетін 261 көлік бар. Оның 20 па­йыз­дан астамы бүгінгі күнге жарамсыз деп айтуға болады. Сол себепті, оларды жыл сайын азайтып, орнын жаңа көліктермен алмастырып отыратын боламыз. Сіз­дерден талабымыз – төтенше жағ­дайлар кездерінде облыс тұр­ғындарының денсаулығын барынша сақтап қалуға тырысып, үйлеріне тез жету, көмектесу, құт­қару мәселесінде аянбай қыз­мет ету», – деді Жансейіт Қан­сейіт­ұлы жедел жәрдем қызме­тінің мамандарымен жүздесуде. Пайдалануға берілген 30 көліктің 20-ы Шымкент қаласының, 10-ы облыс аудандары тұрғындарына қыз­мет көрсетпек. Бұл үшін об­лыстық бюджеттен 418 млн. теңге қа­ралған. Ал 2017 жылға облыс­тық бюджет есебінен 535 млн. тең­геге тағы 22 дана автокөлік са­тып алу жоспарланған. Айта кетелік, ОҚО-да жедел жәрдем кө­мегі Шымкент пен Түркістан қа­лаларындағы 2 станция мен
16 емханаға қарасты аудандық, қалалық бөлімшелерде қызмет көрсетеді. Аталған құрылымдарда бар­лығы 194, оның ішінде,
78 дәрі­герлік, 88 фельдшерлік,
28 ма­мандырылған (кардиореанимация, интенсивті терапия – 17, жан сақтау – 6, психиатриялық – 2) бригадалар жұмыс істейді. Облыс көлеміндегі жедел жәрдем көмегі 261 дана санитарлық ав­токөліктермен қамтылған. Оның ішінде, Шымкент қаласы бойынша – 117 дана, ал қалған 144 да­­насы аудандық, қалалық бө­лім­шелерге тиесілі. Көліктер ра­диобайланыспен 100 пайыз, GPS навигациясымен 88,2 қамта­ма­сыз етілген. Медициналық құ­рал­дармен жабдықталуы 84,5 пайызды құрайды.
Денсаулық саласында ерекше мән беріліп отырған тағы бір маңыз­ды шара – міндетті әлеу­меттік медициналық сақтандыру жүйе­сінің енгізілуі. Елімізде ке­лер жылдан бастап заң күшіне ене бастайтын міндетті әлеу­мет­тік медициналық сақтандыруға байланысты әрбір қазақстандық­тың мәртебесін анықтау маңыз­ды. Сол мақсатта облыста сәуір­ден бастап, «Емханаға тіркел де МӘМС жүйесіндегі өз мәртебеңді анық­та!» акциясы аясында түсін­діру жұмыстары қызу жүргізілу­де.

Ғалымжан Қамытбекұлы.