Жуырда Алматы қалалық Сапарғали Бегалин атындағы кітапханада Желтоқсан оқиғасының қаһармандары, Қазақстан Жастар Одағы сыйлығының иегері, ақын Аманғазы Кәріпжанәулеті мен Анар Рақымжановамен кездесу өтті.

Шараны «Адырна» ұлттық-этнографиялық тобы ұйымдастырып, Ә. Оспанұлы жүргізіп отырды. Шара барысында Желтоқсан оқиғасының тірі куәгерлері елдік, ерлік, егемендік жайлы өз ойларын айтты. Кеш соңында кітапхана басшылығы қатысушыларға өз алғысын білдірді.