Әл-Фараби атындағы ҚазҰУ-ге дүниежүзілік 28-ші қысқы Универсиада алауын жағу салтанаты бұйырды
03.02.2017
819
0

Шашасына шаң жұқтыр­май­тын, «намыс», «ұлт» десе де­­лебесі қозып тұратын, ұлы мен қызына ұлттық тәрбиені те­рең дарытып, өрлік пен ер­лік­тің қадірін ұқтырып, тәуел­ді­ліктің кермек дәмі мен тәуел­сіз­діктің тәтті дәмін тата біл­ген, ұлан-ғайыр алқапқа көз тігіп отырған дүйім шетел­дік­­тердің тілін тауып, ақ таңын ая­лаған Қазақ елінде тариxи сәт аялдады!

29-қаңтар күні әл-Фараби атындағы Қазақ Ұлт­тық университетінде Алматы қаласының әкімі Бауыржан Байбектің қатысуымен өткен, бас қаламыз Астанада басталып, барлық қаламызды шарлап, бізге келіп жеткен Уни­версиада алауын жағу сал­та­наты өтті. Көптен күткен бұл шара тариx бетінде алтын әріп­термен жазылары xақ.
Тарихта аты қалатын әлем­дік Универсиаданың болашақ жас­тарды тәрбиелеуге, елінің на­ғыз патриоты болып қа­лып­тасуына ықпал етері анық. Қа­з­ҰУ студенттері мен оқы­ту­шы­лары бұл сәтті бірге қарсы алып, алау эстафетасына қа­тыс­қан танымал спортшылар мен тұлғаларға аса зор құрмет көр­сетіп, оларды мақтан тұт­ты. Ұлыбритания, АҚШ, Қы­тай, Канада, Ресей және т.б. ел­дердің спортшылары Уни­вер­сиаданың ашылу салтанатына жоғары бағаларын беріп, ұлттық киім үлгілерін, асқан сұлу Алматының аспанмен тіл­дескен биік тауларынинтернет парақшаларына жарыса жазып алып жатты.
Жүрегіміз лүпілдеп, «ҚА­ЗАҚ» дейтін мәрт xалықтың осы сайыстардағы жеңістерін асы­ға күтеміз, әрине! Тектілі­гі­мізді танытып, күш қайраты­мыз­ды паш етер сәт келгені бел­гілі. Алға, Қазақстан!
Т.Мұқажанова,
Н.Тасилова
әл-Фараби атындағы ҚазҰУ доценттері

ПІКІР ҚОСУ